قىزىلوردا وبلىسىنىڭ ارال اۋدانىندا پروكۋراتۋرا ورگاندارى ارقىلى مەملەكەتكە قايتارىلعان اكتيۆتەر ەسەبىنەن توقاباي جانە اباي ەلدى مەكەندەرىندە اۋىز سۋ قۇبىرىنىڭ قۇرىلىسى ءجۇرىپ جاتىر, دەپ جازادى Egemen.kz.
سونىمەن قاتار, ەرىمبەتجاعا اۋىلىن ورتالىقتاندىرىلعان سۋ قۇبىرى جەلىسىنە قوسۋ جۇمىستارى دا اياقتالۋعا جاقىندادى.
وسىعان دەيىن بۇل اۋىلداعىلار اۋىز سۋدى جەر استى قۇدىقتارىنان الىپ, كەيبىرى شالعاي ورنالاسقان ەلدى مەكەندەردەن تاسىپ كەلگەن. اتالعان جوبالاردىڭ ىسكە اسىرىلۋى ۇيلەردى ورتالىقتاندىرىلعان سۋ جۇيەسىنە قوسۋعا مۇمكىندىك بەرىپ, تۇرعىنداردىڭ ءومىر ساپاسىن ارتتىرىپ, ءوڭىر ينفراقۇرىلىمىنىڭ ودان ءارى دامۋى مەن جاڭعىرتىلۋىن قامتاماسىز ەتپەك. قۇرىلىس جۇمىستارىن جىل سوڭىنا دەيىن اياقتاۋ جوسپارلانىپ وتىر.
اۋداندا بۇگىندە مەملەكەتكە قايتارىلعان اكتيۆتەر ەسەبىنەن دەنساۋلىق ساقتاۋ جانە سۋمەن جابدىقتاۋ بويىنشا التى الەۋمەتتىك نىسان سالىنىپ, قۇرىلىس پەن قاراجاتتىڭ ماقساتتى جۇمسالۋى پروكۋراتۋرانىڭ تۇراقتى باقىلاۋىندا تۇر.