جازۋشى قايسار ءالىمنىڭ «مىرجاقىپ دۋلات ۇلى» عۇمىرنامالىق كىتابى لوندوننىڭ «Crab Publising» باسپاسىنان قوستاناي وبلىسىنىڭ اكىمى قۇمار اقساقالوۆتىڭ قولداۋىمەن اعىلشىن تىلىندە جارىق كوردى. قازاق تىلىنەن اۋدارعان – باقتىگۇل ماحانبەتوۆا.
الدىمەن بۇل كىتاپ مىرجاقىپ دۋلات ۇلىنىڭ 140 جىلدىعى اياسىندا وبلىس اكىمىنىڭ دەمەۋشىلىگىمەن استاناداعى «فوليانت» باسپاسىنان 1000 دانامەن, قاراعاندىنىڭ «نۆپرينت» جشس باسپاحاناسىنان 300 دانامەن جارىق كورگەن ەدى. سونداي-اق قوستانايدىڭ «يزداتەلسكي دوم» جشس باسپاحاناسىنان سۋۆەنيرلىك-سىي ۇلگىسىندە بىلعارى تىسپەن 72ح104 1/8 قالىپ-پەن, كولەمدى ەتىپ 20 داناسى شىعارىلعان بولاتىن.
وقىرمانداردىڭ ىستىق ىقىلاسىنا بولەنگەن بۇل كىتاپتىڭ ىستانبۇلداعى «Kamus» باسپاسىنان (ديرەكتورى ايدەمير كۇلتەگىن) اۋدارماشى اشۋر وزدەميردىڭ تارجىمەسىمەن تۇرىك تىلىندە (دەمەۋشىسى – پارلامەنت ءماجىلىسىنىڭ دەپۋتاتى بەرىك بەي-سەنعاليەۆ) جارىق كورگەنىن ايتا كەتۋ ءلازىم.