حالىقارالىق اگەنتتىك Sustainable Fitch «بايتەرەك» حولدينگىنىڭ ESG-رەيتينگىن 3-تەن 2 دەڭگەيگە كوتەردى. سونىمەن قاتار ەكولوگيالىق اقپاراتتى اشۋ بويىنشا كورسەتكىشتەرىنىڭ ايتارلىقتاي جاقسارعانى اتاپ ءوتىلدى, دەپ حابارلايدى Egemen.kz.
ۇلتتىق ەكونوميكا مينيسترلىگىنىڭ مالىمەتىنشە, حولدينگ العاش رەت بارلىق سانات بويىنشا Scope 1, 2 جانە 3 شىعارىندىلارىنىڭ دەرەكتەرىن جاريالادى. ەنشىلەس كومپانيالار «جاسىل» جوبالاردى قارجىلاندىرۋدى جالعاستىرىپ, توپتىڭ قىزمەتى ايتارلىقتاي الەۋمەتتىك اسەرگە يە بولىپ وتىر.
ESG-باعالاۋ كەزىندە حولدينگتىڭ باسقارۋ جۇيەسى جوعارى باعالاندى:
باسقارۋ قۇرىلىمىنىڭ اشىقتىعى; شەشىم قابىلداۋداعى تەڭگەرىمدىلىك; تاۋەكەلدى باسقارۋدىڭ سەنىمدى جۇيەلەرى; سىبايلاس جەمقورلىقتىڭ الدىن-الۋعا باعىتتالعان شارالار.ايتا كەتەيىك, ESG-رەيتينگى كومپانيالاردىڭ ەكولوگيالىق, الەۋمەتتىك جانە باسقارۋشىلىق كورسەتكىشتەرىن, سونىمەن قاتار تۇراقتى بولاشاققا قوسقان ۇلەسىن كورسەتەدى.
بۇعان دەيىن «بايتەرەك» حولدينگى ارقىلى شاعىن جانە ورتا بيزنەستى قولداۋ كولەمى شامامەن ەكى تريلليون تەڭگەگە جەتكەنىن حابارلاعان ەدىك.