«Wuthering Heights» («جەلدى قىراتتار») – اعىلشىن جازۋشىسى ەميلي برونتەنىڭ ءومىر بويى جازعان جالعىز رومانى. ول بۇل شىعارماسىن العاش رەت 1847 جىلى «ەلليس بەلل» دەگەن بۇركەنشىك اتپەن جاريالاعان. رومان باتىس يوركشيردەگى قىراتتاردا تۇراتىن ەكى جەر يەلەنۋشى وتباسىنىڭ – ەرنشوۋلار مەن لينتونداردىڭ جانە ەرنشوۋلاردىڭ ەتنيكالىق تەگى بەلگىسىز اسىراندى بالاسى حيتكليففپەن اراداعى كۇردەلى قارىم-قاتىناستارىن سۋرەتتەيدى. ماحاببات, قۇشتارلىق جانە كەك الۋ تۋرالى ءسوز قوزعايتىن بۇل شىعارما رومانتيزم مەن گوتيكالىق ادەبيەتتىڭ ىقپالىندا جازىلىپ, اعىلشىن ادەبيەتىنىڭ كلاسسيكاسى رەتىندە تانىلدى.
رومان العاش جارىق كورگەن كەزدە سىنشىلاردىڭ پىكىرلەرى ەكىگە بولىنگەن ەدى, بىراق كەيىنىرەك بۇل تۋىندى اعىلشىن تىلىندەگى ەڭ ۇلى رومانداردىڭ ءبىرى رەتىندە مويىندالدى. ونىڭ داۋلى بولۋىنا پسيحيكالىق جانە فيزيكالىق قاتىگەزدىكتى, سونىڭ ىشىندە وتباسىلىق زورلىق-زومبىلىقتى بەينەلەۋى, سونداي-اق ۆيكتوريا ءداۋىرىنىڭ مورالدىق ۇستانىمدارىنا, دىنىنە جانە تاپتىق جۇيەسىنە قارسى كەلەتىن تۇستارى سەبەپ بولدى.
«نەگە بۇل رومان وسىعان دەيىن ءجيى وقىلىپ, ءتىپتى اعىلشىن ادەبيەتىنىڭ تاڭداۋلى شىعارمالار قاتارىنان تۇسپەي كەلەدى؟» دەگەن زاڭدى سۇراق تۋارى انىق. اۆتور بۇل تۋىندىسىندا رومانتيزم مەن گوتيكالىق ادەبيەتتىڭ ەلەمەنتتەردى جاقسى ۇيلەستىرە العان. سونىمەن بىرگە ادام تابيعاتىنىڭ قاراڭعى جاقتارىن اشىق كورسەتكەن العاشقى شىعارمالاردىڭ ءبىرى دە وسى.
ءبىر سوزبەن ايتقاندا, «جەلدى قىراتتار» – ماحاببات پەن كەكتىڭ ادامدى قالاي وزگەرتەتىنىن, الەۋمەتتىك ورتا مەن ىشكى كۇيزەلىستەردىڭ تاعدىرعا اسەرىن كورسەتەتىنىن تەرەڭ تۇسىندىرەتىن شىعارما.