قىرعىزستانعا كىرۋ ەرەجەسى وزگەردى: ءبىزدىڭ ەلدىڭ تۇرعىندارى نەنى ەسكەرۋ كەرەك؟

وتانداستارىمىز قىرعىزستاندا قانشا كۇنگە دەيىن بولا الادى؟

جاڭا تارتىپكە سايكەس, قازاقستان ازاماتتارى قىرعىزستان اۋماعىندا جالپى العاندا 90 كۇنگە دەيىن بولا الادى. بۇل كۇندەر مىندەتتى تۇردە قاتارىنان بولۋ شارت ەمەس – مىسالى, ەلگە كىرىپ-شىعىپ جۇرگەن جاعدايدا دا ەسەپتەلەدى. سول سوڭعى 6 ايداعى 90 كۇن تولىق جينالسا, ەلىمىزدىڭ تۇرعىندارى اتالعان كورشى ەلگە قايتادان تەك 3 ايدان سوڭ عانا كىرە الادى.

وسىلايشا, ەلگە 3 اي بۇرىن كىرگەن وتانداستارىمىز ءۇشىن 1 جەلتوقساندا بولۋعا رۇقسات ەتىلگەن مەرزىم اياقتالعان. ەگەر ازامات قىرعىزستاندا ۇزدىكسىز تۇرسا, العاشقى 30 كۇن تىركەۋ قاجەت ەمەس, ودان كەيىن مىندەتتى تۇردە تىركەلۋى ءتيىس. ايتا كەتسەك, قازاقستان ازاماتى تىركەلگەن جاعدايدا, ەلدە وزىنە قاجەت ۋاقىتقا دەيىن قالا الادى.

ەل ازاماتتارى قىرعىزستاندا تۇراقتى تۇرا الا ما؟

قىرعىزستان اۋماعىندا تۇراقتى تۇرۋ ءۇشىن قازاقستان ازاماتتارىندا بولۋى ءتيىس زاڭدى نەگىزدەر دە بار. ولاردىڭ قاتارىنا «قايرىلمان» مارتەبەسى بار تۇلعالار, ىقتيارحاتى بار ازاماتتار, سونداي-اق قىرعىزستان قاتىسۋشى بولىپ تابىلاتىن حالىقارالىق كەلىسىمدەر شەڭبەرىندە ەلگە كىرۋگە قۇقىلى تۇلعالار كىرەدى. بىرلەسكەن كاسىپورىن قىزمەتكەرلەرى مەن ستۋدەنتتەرگە ۋاقىتشا تۇرۋعا رۇقسات بەرىلەدى, بۇل دا تىركەۋ ءتۇرى, بىراق ەلدە ۇزاق بولۋعا مۇمكىندىك بەرەدى.

90 كۇندىك مەرزىمدى قاجەتتى قۇجاتسىز اسىرىپ العان قازاقستان تۇرعىندارىن ارنايى ۇستامايدى. مىسالى, قىرعىز شەكاراشىلارى مۇنداي ازاماتتاردى ەش كەدەرگىسىز ەلدەن شىعارادى. ال 33 مىڭ تەڭگە كولەمىندەگى ايىپپۇل ازامات باسقا قۇقىق بۇزۋشىلىق ءۇشىن ۇستالىپ, تەكسەرىس كەزىندە ەلدە بولۋ ەرەجەسىن بۇزعانى انىقتالسا عانا سالىنادى.

ەرەجەلەردى بۇزعان قازاقستان ازاماتتارىنا قاتىستى جاڭالىق

24.kz-ءتىڭ حابارلاۋىنشا, قۇقىق بۇزۋشىلىقتى جويۋ ءۇشىن قازاقستانعا شىعىپ, 90 كۇننەن كەيىن قايتا ورالۋ قاجەت. بۇل جاعدايدا ايىپپۇلدار قولدانىلمايدى. الايدا قىرعىزستان ۇكىمەتى بۇل ماسەلەگە قاتىستى قوسىمشا شارالار دايىنداپ جاتىر.