الماتىدا BRT (جەدەل اۆتوبۋس كولىگى) جەلىسىنىڭ نەگىزگى ۋچاسكەلەرىنىڭ ءبىرى سىناق رەجيمىندە ىسكە قوسىلدى. ول جەلتوقسان كوشەسىنىڭ بويىمەن ءوتىپ, قالانىڭ ەكى نەگىزگى ماگيسترالى تيميريازەۆ كوشەسى مەن رايىمبەك داڭعىلىن بايلانىستىرادى, دەپ جازادى Egemen.kz.
جىلدام تاسىمالدايتىن اۆتوبۋستار قالانىڭ ورتالىق بولىگىندەگى كەپتەلىس ۋاقىتىن قىسقارتىپ, جولاۋشىلار تاسىمالىنىڭ ساپاسىن ارتتىرۋى ءتيىس.
قالا اكىمدىگىنىڭ مالىمەتىنشە, بۇل ۋچاسكەدەگى بارلىق نەگىزگى ينفراقۇرىلىم جۇمىستارى اياقتالعان. ايالدامالار ورناتىلىپ, جاياۋ جۇرگىنشىلەر جولى اباتتاندىرىلىپ, كوشەلەرگە قوسىمشا جارىق بەرەتىن قۇرىلعىلار ورناتىلعان.
جەلتوقسان كوشەسى بويىمەن وتەتىن كەي باعىتتاعى اۆتوبۋستار 14 جەلتوقساندا اشىلادى دەپ جوسپارلانىپ وتىر. رايىمبەك داڭعىلىندا BRT ينفراقۇرىلىمىن ورناتۋ جۇمىستارى كەلەسى جىلدىڭ سوڭىنا دەيىن اياقتالادى.