ءابىشتانۋشى باقتىباي جايلاۋدىڭ ء«ابىش كەكىلباي ۇلى كىم؟» اتتى كىتابى جارىق كوردى, دەپ حابارلايدى Egemen.kz.
تۋىندى «Mazmundama» باسپاسىنىڭ «ول كىم؟» جوباسى بويىنشا جازىلعان. اۆتور بۇل شىعارما ارقىلى جازۋشى, مەملەكەت جانە قوعام قايراتكەرى, ابىز تۇلعا ءابىش كەكىلباي ۇلىنىڭ ءومىر جولىن قازىرگى وقىرمانعا جاڭاشا ستيلدە تانىستىرۋدى ماقسات ەتكەن.
كىتاپ اۆتورىنىڭ ايتۋىنشا, بۇل ەڭبەكتىڭ باستى ەرەكشەلىگى – كۇردەلى دۇنيەنى قاراپايىم تىلمەن, تەرەڭ مازمۇندى قولجەتىمدى فورماتتا جەتكىزۋ بولعان. جازۋ بارىسىندا اۆتور تۇلعانىڭ ءومىرىن, ادامي بولمىسىن جانە ازاماتتىق قالىپتاسۋ جولىن كورسەتكەن.
جاڭا كىتاپ – وقۋشىلارعا ۇلى تۇلعا تۋرالى تۇسىنىكتى اقپارات بەرەدى, ستۋدەنتتەرگە زەرتتەۋ مەن شىعارماشىلىق ويلاۋعا باعىت بەرەدى, مۇعالىمدەرگە وقۋ ۇدەرىسىنە قوسىمشا ماتەريال بولماق.
تۋىندىنىڭ نەگىزگى ماقساتى – ءابىشتىڭ بالالىقتان دانالىققا دەيىنگى جولىن شىنايى كورسەتۋ; جاس ۇرپاققا تاباندىلىق پەن ىزدەنىستىڭ ولشەۋسىز قۇنىن ءتۇسىندىرۋ; ۇلتتىق IQ مەن EQ-ءدى بىرگە كوتەرەتىن تۇلعالىق مودەل ۇسىنۋ.
– بۇل ەڭبەگىمدى ۇلتقا قاجەت, ۇرپاققا كەرەك دۇنيە دەپ سەنەمىن. كىتاپتى ءوزىڭىز ءۇشىن, بالالارىڭىز ءۇشىن باسپادان ساتىپ الىپ وقۋعا بولادى, – دەيدى كىتاپتىڭ اۆتورى باقتىباي جايلاۋ.
ماڭعىستاۋ وبلىسى