ماڭعىستاۋ وبلىسىندا تەڭىز اكۆاشارۋاشىلىعى سالاسىنىڭ جاڭا كەزەڭى باستالدى. قاراقيا اۋدانى اۋماعىندا جۇزەگە اسىرىلىپ جاتقان «Organic fish» جشس-ءنىڭ تەڭىز فەرمەرلىگى جوباسى اياسىندا كاسپي تەڭىزىنە البىرت تۇقىمداس بالىقتىڭ العاشقى پارتياسى – سالماعى 200 گرامم بولاتىن 2 000 كگ (9 890 دانا) شاباق جىبەرىلدى, دەپ حابارلايدى Egemen.kz.
ماڭعىستاۋ وبلىستىق بالىق شارۋاشىلىعى باسقارماسىنىڭ مالىمەتىنشە, جوبا تەڭىز اكۆاتورياسىندا جىلىنا 5 000 تونناعا دەيىن تاۋارلى بالىق وسىرۋگە باعىتتالعان. 2025 جىلى تەڭىز ۋچاسكەسىنە ديامەترى 120 مەتردەن اساتىن ءۇش تەڭىز تور قورشاماسى ورناتىلدى. بۇل قۇرىلعىلار تەڭىز جاعدايىندا بالىق وسىرۋگە ارنالعان زاماناۋي تەحنولوگيالىق جۇيەلەرمەن جابدىقتالعان.
– 2026 جىلى العاشقى 300 توننا تاۋارلى ءونىم الۋ جوسپارلانىپ وتىر. 2028 جىلعا قاراي ءوندىرىس كولەمىن جىلىنا 5 000 تونناعا دەيىن ارتتىرۋ كوزدەلۋدە. بۇل – كاسپي تەڭىزىندەگى تەڭىز فەرمەرلىگى بويىنشا قازاقستان مەن ورتالىق ازياداعى العاشقى ءىرى جوبا. «Organic fish» جشس-ءنىڭ تاجىريبەسى وڭىردەگى بالىق شارۋاشىلىعىنىڭ دامۋىندا جاڭا كەزەڭدى اشادى, – دەدى باسقارما وكىلدەرى.
ماڭعىستاۋ وبلىسى