بۇگىن سەنات وتىرىسىندا دەپۋتات عالياسقار سارىباەۆ مەكتەپتەردىڭ ماڭىندا ويىن اۆتوماتتارى كوبەيىپ كەتكەنىنە الاڭداۋشىلىق ءبىلدىردى. ونىڭ ايتۋىنشا, قازىر مۇنداي قۇرىلعىلار مەكتەپ, ۇيىرمە جانە سپورت سەكتسيالارىمەن دۇكەندەرگە جاقىن الاڭدارعا جاپپاي ورناتىلا باستاعان. مۇنداي كورىنىسكە ەتى ۇيرەنگەن بالا بولاشاقتا ويىن اۆتوماتتارىنا باراتىن نەگىزگى اۋديتورياعا اينالۋى بەك مۇمكىن, دەپ جازادى Egemen.kz.
دەپۋتاتتىڭ ايتۋىنشا, بالالار مۇنداي اۆتوماتتارعا تۇسكى اسقا بەرىلگەن اقشاسىن جۇمسايدى. ويىن اۆتوماتتارىنىڭ سالدارى اۋىر بولماس ءۇشىن «ويىن بيزنەسى تۋرالى» زاڭ اياسىندا رەتتەلمەيتىن اتالعان قۇرىلعىلاردى ورنالاستىرۋ ماسەلەسىن قاراۋ قاجەت.
«سوڭعى جىلدارى «كران» نەمەسە «ۇستاپ ال» دەپ اتالاتىن اۆتوماتتاردىڭ كەڭىنەن تارالۋى الاڭداتىپ وتىر. مۇنداي اپپاراتتاردا اقشالاي ۇتىس قاراستىرىلماعاندىقتان, قۇمار ويىندارى ساناتىنا جاتپايدى. زاڭ مۇنداي اۆتوماتتاردىڭ جۇمىس مەحانيكاسى, ۇتىس الگوريتمى, جاس شەكتەۋلەرى نەمەسە ورنالاستىرۋ تالاپتارىنا قاتىستى نورمالاردى قامتىمايدى. سانيتاريالىق نورمالار, ساۋدا ەرەجەلەرى, تەحنيكالىق رەگلامەنتتەرى مەن باسقا دا تالاپتار بەلگىلەنبەگەن. ولاردىڭ قاۋىپسىزدىگىن, شىققان جەرىن نەمەسە بالالارعا ارنالعان سانيتاريالىق تالاپتارعا سايكەستىگىن تەكسەرۋدىڭ مىندەتتى مەحانيزمى جوق. بۇل اۆتوماتتارعا جەكە قۇقىقتىق مارتەبە بەرۋ, مىندەتتى سەرتيفيكاتتاۋ مەن مەحانيكالىق تەكسەرۋدى ەنگىزۋ, جاس شەكتەۋلەرىن بەلگىلەۋ, ولاردى بالالار مەكەمەلەرى ماڭىندا ورنالاستىرۋعا تىيىم سالۋ ماسەلەسىن قاراۋ قاجەت», دەدى عالياسقار سارىباەۆ.
سونداي-اق سەناتور اتالعان اۆتوماتتارعا باقىلاۋدىڭ بولماۋى زاڭسىز قولما-قول اقشا اينالىمىن ارتتىرۋى مۇمكىن ەكەنىنە دە نازار اۋداردى.