جاڭا زاڭدا جول قاۋىپسىزدىگىن جاقسارتۋعا جانە ەلەكتر ساموكاتتارىن جالعا بەرۋ وپەراتورلارىنىڭ قىزمەتىن رەتتەۋگە باعىتتالعان وزگەرىستەر ۇسىنىلادى. بۇل تۋرالى ءماجىلىستىڭ ءباسپاسوز قىزمەتى حابارلادى, دەپ جازادى Egemen.kz.
جالعا بەرەتىن زاڭدى تۇلعالار مەن جەكە كاسىپكەرلەر ءۇشىن ءاربىر ەلەكتر ساموكاتقا قاتىستى ازاماتتىق-قۇقىقتىق جاۋاپكەرشىلىگىن مىندەتتى ساقتاندىرۋ ەنگىزىلەدى. سونداي-اق مۇنداي ساموكاتتاردى تىركەۋ جانە تىركەۋ نومىرلەرىن بەرۋ ءتارتىبى بەلگىلەنەدى.
جالعا بەرۋشىلەر جۇرگىزۋشى كۋالىگى جوق نەمەسە ودان ايىرىلعان ادامعا ەلەكتر ساموكاتتى باسقارۋعا رۇقسات بەرگەنى ءۇشىن جاۋاپتى بولادى.