2015 جىلعى 10 اقپان, استانا قالاسى
باعالارىنا مەملەكەتتىك رەتتەۋ بەلگىلەنگەن بولشەك ساۋدادا وتكىزىلەتىن مۇناي ونىمدەرىنە شەكتى باعالاردى بەلگىلەۋ تۋرالى
«مۇناي ونiمدەرiنiڭ جەكەلەگەن تۇرلەرiن ءوندiرۋدi جانە ولاردىڭ اينالىمىن مەملەكەتتiك رەتتەۋ تۋرالى» 2011 جىلعى 20 ماۋسىمداعى قازاقستان رەسپۋبليكاسى زاڭىنىڭ 7-بابى 15) تارماقشاسىنا, 9-بابى 2-تارماعىنىڭ 3) تارماقشاسىنا سايكەس بۇيىرامىن:
1. باعالارىنا مەملەكەتتىك رەتتەۋ بەلگىلەنگەن بولشەك ساۋدادا وتكىزىلەتىن مۇناي ونىمدەرىنە شەكتى باعالار ققس ەسەبىمەن مىنا مولشەردە بەلگىلەنسىن:
ديزەل وتىنى – 1 ليتر ءۇشىن 99 تەڭگە;
اي-80 – 1 ليتر ءۇشىن 89 تەڭگە;
اي-92/93 – 1 ليتر ءۇشىن 99 تەڭگە;
2. قازاقستان رەسپۋبليكاسى ەنەرگەتيكا مينيسترلىگىنىڭ مۇناي ونەركاسىبىن دامىتۋ دەپارتامەنتى قازاقستان رەسپۋبليكاسىنىڭ زاڭناماسىندا بەلگىلەنگەن تارتىپپەن:
1) قازاقستان رەسپۋبليكاسىنىڭ ادىلەت مينيسترلىگىندە وسى بۇيرىقتىڭ مەملەكەتتىك تىركەلۋىن;
2) قازاقستان رەسپۋبليكاسىنىڭ ادىلەت مينيسترلىگىندە مەملەكەتتىك تىركەلگەنىنەن كەيىن كۇنتىزبەلىك ون كۇن ىشىندە وسى بۇيرىقتى بۇقارالىق اقپارات قۇرالدارىندا جانە «ادىلەت» اقپاراتتىق قۇقىقتىق جۇيەسىندە رەسمي جاريالاۋعا جولدانۋىن;
3) وسى بۇيرىقتىڭ قازاقستان رەسپۋبليكاسى ەنەرگەتيكا مينيسترلىگىنىڭ رەسمي ينتەرنەت-رەسۋرسىندا جانە مەملەكەتتىك ورگانداردىڭ ينترانەت-پورتالىندا ورنالاستىرۋىن;
4) وسى بۇيرىقتى قازاقستان رەسپۋبليكاسى ادىلەت مينيسترلىگىندە مەملەكەتتىك تىركەگەننەن كەيىن ون جۇمىس كۇنى ىشىندە قازاقستان رەسپۋبليكاسى ەنەرگەتيكا مينيسترلىگىنىڭ زاڭ قىزمەتى دەپارتامەنتىنە وسى تارماقتىڭ 2) جانە 3) تارماقشالارىمەن كوزدەلگەن ءىس-شارالاردىڭ ورىندالۋى تۋرالى مالىمەتتەردى ۇسىنۋدى قامتاماسىز ەتسىن.
3. وسى بۇيرىقتىڭ ورىندالۋىن باقىلاۋ قازاقستان رەسپۋبليكاسىنىڭ ەنەرگەتيكا ءبىرىنشى ۆيتسە-ءمينيسترى ۇ.س. قارابالينگە جۇكتەلسىن.
4. وسى بۇيرىق ونىڭ مەملەكەتتىك تىركەلگەن كۇنىنەن باستاپ كۇشىنە ەنەدى جانە رەسمي جاريالانۋعا جاتادى.
مينيستر ۆ.شكولنيك.
«كەلىسىلدى»
قازاقستان رەسپۋبليكاسىنىڭ ۇلتتىق ەكونوميكا ءمينيسترى
ە. دوساەۆ _______________
«____» _____________2015 جىل
بۇيرىق قازاقستان رەسپۋبليكاسىنىڭ ادىلەت مينيسترلىگىندە 2015 جىلعى 10 اقپانداعى نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №10222 بولىپ ەنگىزىلدى.