جاستار اراسىنداعى لۋدومانيانىڭ الدىن الۋ جانە وعان قارسى ءىس-قيمىل جاساۋعا باعىتتالعان «Jarqyn Bolashaq» جوباسى شەڭبەرىندە «استانا جاستارى» رەسۋرستىق ورتالىعى كوشەلەردە اقپاراتتىق اكتسيا وتكىزدى. بۋكلەتتەردى تاراتقان ەرىكتىلەر لۋدومانيانىڭ زيانى تۋرالى ايتىپ ءوتتى, دەپ حابارلايدى Egemen.kz.
«استانا جاستارى» ورتالىعىنىڭ مامانى الۋا بالتاباەۆانىڭ ايتۋىنشا, بۇل بۋكلەتتەر, اسىرەسە, جاستارعا تاراتىلىپ جاتىر. ولار لۋدومانيانىڭ بارلىق سالدارىن ءتۇسىنۋى كەرەك.
ء«بىز ءۇشىن ماڭىزدىسى – تەك تاۋەكەلدەر تۋرالى ەسكەرتۋ ەمەس, سونىمەن بىرگە كومەك ارقاشان قولجەتىمدى ەكەنىن كورسەتۋ. سوندىقتان ءبىز قيىن پسيحولوگيالىق جاعدايدا ويىن تاۋەلدىلىگىنەن زارداپ شەككەن ادامدارعا حابارلاسا الاتىن ۇيىمداردىڭ تەلەفوندارى مەن بايلانىس دەرەكتەرىن كورسەتەمىز», دەدى ا.بالتاباەۆا.