اقش پەن رەسەي امەريكالىقتاردىڭ بىتىمگەرلىك جوسپارىنداعى اۋماقتىق ماسەلەگە قاتىستىق ورتاق ىمىراعا كەلە المادى. بۇل تۋرالى ترامپتىڭ ارنايى وكىلى ستيۆ ۆيتكوفف جانە دجارەد كۋشنەر وتكىزگەن كەلىسسوزدەن سوڭ بەلگىلى بولدى, دەپ جازادى Egemen.kz.
رەسەي تاراپى ءبىرىنشى كەزەكتە اۋماقتىق ماسەلەنىڭ ماڭىزىن اتاپ ءوتتى.
«كەزدەسۋ بارىسىندا ورتاق مامىلەگە كەلە المادىق. دەسە دە امەريكالىقتاردىڭ كەي ۇسىنىستارى ازدى-كوپتى قولايلى بولىپ كورىندى. ال اتالعان ۇسىنىستار تالقىلاۋدى قاجەت ەتەدى», دەدى رەسەي پرەزيدەنتىنىڭ كومەكشىسى يۋري ۋشاكوۆ.
ءول پۋتيننىڭ ۆيتكوففپەن كەزدەسۋىندە اقش-تىڭ بەيبىتشىلىك جوسپارىنىڭ ناقتى تۇجىرىمى ەمەس, جالپى تاقىرىپ تالقىلانعانىن اتاپ ءوتتى.
وسىلايشا كرەملدە بەس ساعاتقا سوزىلعان پىكىرتالاس ناتيجەلى اياقتالمادى.
بۇعان دەيىن الەمدىك باق ۋكراينانىڭ تاعدىرى شەشىلەتىن ءسات جاقىنداعانىن جارىسا جازعان ەدى.