الماتىدا جول قاۋىپسىزدىگىن ارتتىرۋعا باعىتتالعان رەسپۋبليكالىق «قاۋىپتى جۇرگىزۋشى» جەدەل-پروفيلاكتيكالىق ءىس-شاراسى وتكىزىلىپ جاتىر, دەپ جازادى Egemen.kz.
قالالىق پوليتسيا دەپارتامەنتىنىڭ مالىمەتىنشە, وتكەن تاۋلىكتە ءتارتىپ ساقشىلارى ماساڭ كۇيدە كولىك باسقارعان 6 جۇرگىزۋشىنى ۇستاعان. ودان بولەك مەملەكەتتىك ءنومىرسىز جۇرگەن 12 اۆتوكولىكتى, سونداي-اق جالعان ءنومىر قويىلعان 2 كولىكتى جانە وزگە دە بىرقاتار ورەسكەل قۇقىق بۇزۋدى انىقتاعان.
— جول قاۋىپسىزدىگى ماسەلەلەرى جۇمىسىمىزدىڭ باسىم باعىتتارىنىڭ ءبىرى. پاترۋلدىك ەكيپاجدار كۇشەيتىلگەن تارتىپتە قىزمەت اتقارىپ جاتىر. جول اپاتىنا تىكەلەي اسەر ەتەتىن ورەسكەل زاڭ بۇزۋ بويىنشا باقىلاۋ ايتارلىقتاي كۇشەيتىلدى, — دەدى اكىمشىلىك پوليتسيا باسقارماسى باستىعىنىڭ ورىنباسارى تيمۋر سەرىك ۇلى.
پوليتسيا قالا تۇرعىندارى مەن قوناقتارىن جول قوزعالىسى ەرەجەلەرىن قاتاڭ ساقتاۋعا شاقىردى.