ءدارى-دارمەكپەن قامتاماسىز ەتۋ رەفورماسى شەڭبەرىندە دەنساۋلىق ساقتاۋ مينيسترلىگى باعا بەلگىلەۋدىڭ جاڭا جۇيەسىن ەنگىزدى. وسىنىڭ ناتيجەسىندە ەلدەگى ءدارى-دارمەك باعاسى 50%-دان 300%-عا دەيىن تومەندەپ, جالپى ۇنەمدەۋ 36 ملرد تەڭگەدەن استى. بۇل تۋرالى ۇكىمەت وتىرىسىندا سالا ءمينيسترى اقمارال ءالنازاروۆا ايتتى, دەپ حابارلايدى Egemen.kz.
ءوندىرۋشىنىڭ باعاسىن تىركەۋدىڭ بىرىڭعاي ءتاسىلى, ماركەتينگتىك جانە كولىك ۇستەمەلەرىن الىپ تاستاۋ, گەنەريكتەرگە باعانى 30%-عا تومەندەتۋ, سونداي-اق حالىقارالىق رەفەراتتاۋ وبەكتيۆتى شەكتى باعالاردى قالىپتاستىرۋعا جانە نەگىزسىز قىمباتتاۋدى بولدىرماۋعا مۇمكىندىك بەرەدى.
مىسالى, يماتينيب ءدارىسى 9 450 تەڭگەدەن 2 348 تەڭگەگە دەيىن, بەۆاتسيزۋماب 360 000 تەڭگەدەن 77 000 تەڭگەگە دەيىن ارزانداعان.
ءدارى-دارمەكتەردى ساتىپ الۋ شەڭبەرىندە قىمبات ونكولوگيالىق پرەپاراتتاردى قوسا العاندا, 66 پوزيتسيا بويىنشا باعانىڭ تومەندەۋىنە قول جەتكىزىلگەن.
وتاندىق جەتەكشى فارماتسەۆتيكالىق وندىرۋشىلەر جاڭا قاعيدالاردى قولدادى. «نوبەل افف», «ابدي يبراگيم گلوبال فارم», «حيمفارم», «Kelun-Kazpharm» كومپانيالارى جانە باسقالارى جەتكىزىلەتىن پرەپاراتتاردىڭ باعاسىن بەيىمدەپ, جەلىسىن كەڭەيتتى.
ۇنەمدەلگەن قاراجات قىمبات ەمدەۋدى قاجەت ەتەتىن پاتسيەنتتەردى قامتاماسىز ەتۋگە جۇمسالادى.