قىزىلوردا وبلىسىنا قاراستى بايقوڭىر قالاسىنىڭ پروكۋراتۋراسى مەملەكەت بيۋدجەتىن جىمقىرۋ فاكتىسىن انىقتاعان. جەمقورلىق ارەكەتى ءبىلىم بەرۋ ۇيىمدارىنىڭ 2022-2024 جىلدارى ارالىعىندا بيۋدجەت قاراجاتىنىڭ جۇمسالۋ زاڭدىلىعىنا جۇرگىزىلگەن تالداۋ ناتيجەسىندە بەلگىلى بولعان, دەپ حابارلايدى Egemen.kz.
پروكۋراتۋرانىڭ مالىمەتىنشە, ورتا ءبىلىم بەرۋ ۇيىمىنىڭ باس ەسەپشىسى بىرنەشە مۇعالىمنىڭ ەسەپ شوتىنا ارتىق جالاقى اۋدارىپ, كەيىن اۋدارىلعان قارجىنى ءوزىنىڭ جەكە ەسەپشوتىنا جىبەرىپ وتىرعان. سالدارىنان مەملەكەتتىك بيۋدجەتكە 52 ملن تەڭگە زالال كەلتىرىلگەن.
فاكتى بويىنشا سوتقا دەيىنگى تەرگەپ-تەكسەرۋ جۇرگىزىلىپ, ءىس سوتقا جولداندى. سوت ۇكىمىمەن مەكتەپتىڭ باس ەسەپشىسى كىنالى دەپ تانىلىپ, 7 جىل باس بوستاندىعىنان ايىرۋ جازاسى تاعايىندالدى.
كامەلەتكە تولماعان بالالارىنىڭ بولۋىنا بايلانىستى قىلمىستىق كودەكستىڭ 74-بابىنا سايكەس جازا وتەۋ مەرزىمى 5 جىلعا كەيىنگە قالدىرىلدى.