الەۋمەتتىك جەلىدە ساعات 00:00-دەن كەيىن جول ءجۇرۋ كەزىندە كولىك جىلدامدىعىن ساعاتىنا 66 كم جىلدامدىققا دەيىن ارتتىرۋعا رۇقسات ەتىلدى دەگەن مازمۇنداعى اقپارات تارادى. ىشكى ىستەر مينيسترلىگى ء(ىىم) مۇنداي مالىمەت شىندىققا جاناسپايتىنىن مالىمدەدى, دەپ جازادى Egemen.kz.
ءىىم مالىمەتىنشە, جول-كولىك قوزعالىسىنا بايلانىستى ەشقانداي وزگەرىس ەنگىزىلمەگەن.
ەلدى مەكەندەردە جەڭىل اۆتوكولىكتەر ءۇشىن رۇقسات ەتىلگەن ستاندارتتى جىلدامدىق – ساعاتىنا 60 كم. ال جول بويىنداعى كامەرالار جىلدامدىق ساعاتىنا 70 كم نەمەسە ودان جوعارى بولعان كەزدە عانا تىركەي باستايدى.
«تەكسەرىلمەگەن حابارلامالارعا سەنبەڭىزدەر, رەسمي اقپاراتقا جۇگىنىڭىزدەر. جول ءجۇرۋ قاعيدالارىن ساقتاپ, مۇقيات بولىڭىزدار», دەلىنگەن مينيسترلىك تاراتقان حابارلامادا.