ءبىر قاراعاندا, قازىر الەم تۇگەل ونلاين ءومىر ءسۇرىپ جاتقانداي كورىنەدى. الايدا بۇۇ-نىڭ حالىقارالىق تەلەكوممۋنيكاتسيالار وداعى (ITU) جاريالاعان جاڭا دەرەكتەر بۇل تۇسىنىكتى جوققا شىعاردى. مالىمەتكە سايكەس, جەر شارىنداعى ءار ءتورتىنشى ادام, ياعني 2,2 ميلليارد تۇرعىن ومىرىندە ينتەرنەتكە قوسىلىپ كورمەگەن.
زەرتتەۋ شامامەن 6 ميلليارد ادامنىڭ جەلىنى بەلسەندى قولداناتىنىن كورسەتىپ وتىر. بىراق تسيفرلىق تەڭسىزدىك ءالى دە بارشىلىق. اسىرەسە افريكادا جاعداي كۇردەلى. بۇل ايماقتاعى حالىقتىڭ 64 پايىزى ينتەرنەتسىز ءومىر ءسۇرىپ جاتىر. ءتىپتى تەحنولوگياسى دامىعان ەۋروپانىڭ وزىندە تۇرعىنداردىڭ 12 پايىزى الەۋمەتتىك جەلىنى قولدانبايدى. بۇۇ ساراپشىلارى اتاپ وتكەندەي, ينتەرنەتكە قولجەتىمدىلىك قازىرگى زاماندا جاي عانا اقپارات الۋ قۇرالى ەمەس, سونىمەن قاتار ءبىلىم, دەنساۋلىق ساقتاۋ جانە ەكونوميكالىق مۇمكىندىككە جول اشاتىن نەگىزگى فاكتور.