دىنمۇحامەد قوناەۆ اتىنداعى وبلىستىق بالالار مەن جاسوسپىرىمدەر كىتاپحاناسىنىڭ ۇيىتقى بولۋىمەن قازاقتىڭ ۇلتتىق كيىمىن ناسيحاتتاۋ ماقساتىندا «كيىمدە – شەجىرە, ساندە – تاريح» اتتى ەتنوساعات ءوتتى, دەپ حابارلايدى Egemen.kz.
ءىس-شارانىڭ قۇرمەتتى قوناعى, ۇلتتىق كيىم مەن ءسان سالاسىندا تابىستى ەڭبەك ەتىپ جۇرگەن جەرگىلىكتى كاسىپكەر, حالىقارالىق دەڭگەيدەگى ۇلتتىق ناقىشتاعى ديزاينەر, رەسپۋبليكالىق «داستۇرگە جول» قازاق انالارى قوعامدىق بىرلەستىگىنىڭ ءتورايىمى گۇلفايرۋز نۇراباەۆا جاسوسپىرىمدەرمەن جۇزدەسۋدە ۇلتتىق قۇندىلىقتاردى دارىپتەۋ تۇرعىسىنان ءوز تاجىريبەسىمەن ءبولىستى.
مارتەبەلى مەيمان ءوز شەبەرحاناسىنىڭ جۇمىسىمەن تانىستىرىپ, ءداستۇرلى ۇلتتىق كيىمدەردەن تۇراتىن كوركەم دەفيلە ۇسىندى.
كەش بارىسىندا وقۋشىلار قازاقتىڭ ءتول ونەرىن ناسيحاتتاپ, كۇي تارتىپ, ءداستۇرلى اندەردى شىرقادى.
جاس وقىرماندار ديزاينەرگە قىزىقتى سۇراقتارىن قويىپ, كەڭ كولەمدە اقپارات الدى. سونىمەن قاتار, تاقىرىپقا ساي بەزەندىرىلگەن كىتاپ كورمەسىنە شولۋ جاسالىپ, ۇلتتىق مۇراعا قاتىستى قۇندى ادەبيەتتەر تانىستىرىلدى.
تاراز