استانا قالاسىنداعى ورىنبور كوشەسى مەن ماڭگىلىك ەل داڭعىلىنىڭ قيىلىسىندا Changan جانە Mitsubishi كولىكتەرى سوقتىعىسىپ, جول اپاتى سالدارىنان 4 ادام زارداپ شەكتى, دەپ حابارلايدى Egemen.kz.
الەۋمەتتىك جەلىلەردە وقيعا ورنىنان تۇسىرىلگەن فوتو مەن بەينەجازبالار تارادى.
ورالدا اكەسىنىڭ كولىگىن ايداپ كەتكەن ءجاسوسپىرىم جول اپاتىنا ۇشىرادى
پوليتسيا دەپارتامەنتىنىڭ مالىمەتىنشە, Changan كولىگىنىڭ جۇرگىزۋشىسى ورىنبور كوشەسىمەن كەلە جاتىپ, ماڭگىلىك ەل داڭعىلىمەن قيىلىستا سولعا بۇرىلعان, ول باعدارشامنىڭ قوسىمشا سەكتسياسىنىڭ سيگنالىن ەلەمەگەن. جۇرگىزۋشى تىيىم سالىنعان بەلگىگە ءوتىپ, قارسى باعىتتا تىكە كەلە جاتقان Mitsubishi كولىگىنە جول بەرمەي, سالدارىنان سوقتىعىسقان.
«جول اپاتى سالدارىنان «Changan» اۆتوكولىگىنىڭ جۇرگىزۋشىسى مەن ءۇش جولاۋشىسى مەديتسينالىق مەكەمەگە جەتكىزىلدى. ەكى كولىك تە ەۆاكۋاتسيالانىپ, كوممۋنالدىق ايىپ تۇراعىنا قويىلدى. اتالعان جول-كولىك وقيعاسى بويىنشا تەكسەرىس جۇرگىزىلىپ جاتىر. وقيعانىڭ بارلىق ءمان-جايى انىقتالادى», دەلىنگەن پوليتسيا دەپارتامەنتى تاراتقان حابارلامادا.
ءال-فارابيدەگى جول اپاتى: پوليتسەي ادۆوكاتسىز جاۋاپ بەرۋدەن باس تارتتى
ەسكە سالساق, 21 ناۋرىزعا قاراعان ءتۇنى ال-فارابي داڭعىلىندا قايعىلى جول اپاتى بولدى. اپات سالدارىنان Mercedes جۇرگىزۋشىسى مەن 20 جانە 22 جاستاعى ەكى قىز كوز جۇمدى.
وتكەن اپتادا اقتوبە وبلىسىندا جول اپاتىنان ەكى ادام قازا تاپتى.