قارجى نارىعىن رەتتەۋ جانە دامىتۋ اگەنتتىگىنىڭ توراعاسى ءمادينا ابىلقاسىموۆا مەن Abu Dhabi Commercial Bank PJSC (ADCB) وكىلدەرى كەزدەسىپ, قازاقستاندا جاڭا بانك قۇرۋ ماسەلەلەرىن تالقىلادى, دەپ حابارلايدى Egemen.kz.
كەزدەسۋ بارىسىندا تاراپتار «Abu Dhabi Commercial Bank (Kazakhstan)» اق-نى ىسكە قوسۋ كەزەڭدەرىن, سونداي-اق بانك ليتسەنزياسىن الۋ ءۇشىن قاجەتتى ۇيىمداستىرۋشىلىق جانە رەتتەۋشىلىك ماسەلەلەردى قاراستىردى.
ADCB قازاقستاندا امبەباپ بانك اشۋ جوسپارىن العاش رەت 2024 جىلدىڭ قاراشاسىندا جاريالاعان بولاتىن. بۇعان دەيىن, 2024 جىلعى شىلدەدە توپ «يسلام بانكى Al Hilal» اق اكتسيالارىنىڭ 100 پايىزىن ساتىپ الۋعا رۇقسات العان. كەيىن قارجى ۇيىمى «يسلام بانكى ADCB» بولىپ قايتا اتالدى.
2026 جىلدىڭ ناۋرىزىندا وتاندىق رەتتەۋشى ADCB-گە تاعى ءبىر ەنشىلەس بانك قۇرۋعا كەلىسىم بەردى. ال جاڭا بانك 2026 جىلعى 20 ساۋىردە قازاقستاننىڭ ادىلەت ورگاندارىندا رەسمي تىركەۋدەن ءوتتى.
يسلام بانكىنىڭ ەكىنشى دەڭگەيلى بانكتەردەن ايىرماشىلىعى نەدە؟
اگەنتتىك مالىمەتىنشە, ADCB – بىرىككەن اراب امىرلىكتەرىندەگى ءىرى قارجى ۇيىمدارىنىڭ ءبىرى. بانكتىڭ نەگىزگى اكتسيونەرى – Mubadala Investment Company ينۆەستيتسيالىق قورى. قارجى ينستيتۋتى حالىقارالىق رەيتينگ اگەنتتىكتەرىنەن جوعارى باعالارعا يە جانە اكتيۆ كولەمى بويىنشا ءباا-دەگى 56 بانكتىڭ ىشىندە 3-ورىندا تۇر.
قازاقستانداعى ەنشىلەس «يسلام بانكى ADCB» اكتيۆ كولەمى بويىنشا ەكىنشى دەڭگەيلى بانكتەر اراسىندا 21-ورىندا. 2025 جىلدىڭ قورىتىندىسىندا بانك 6,3 ملرد تەڭگە كولەمىندە قارجىلىق ناتيجە كورسەتكەن.
تيمۋر سۇلەيمەنوۆ: بانكتەرگە حالىققا ەمەس, بيزنەسكە نەسيە بەرۋ ءتيىمدى بولا ءتۇستى
قارجى نارىعىن رەتتەۋ جانە دامىتۋ اگەنتتىگىنىڭ حابارلاۋىنشا, جاڭا بانك ءداستۇرلى بانكتىك قىزمەتتەرمەن قاتار, «يسلامدىق تەرەزە» تەتىگى ارقىلى يسلامدىق قارجىلاندىرۋ باعىتتارىن دا دامىتۋدى جوسپارلاپ وتىر. بۇل مەحانيزم كليەنتتەرگە شاريعات قاعيداتتارىنا سايكەس قارجىلىق ونىمدەر مەن قىزمەتتەردى پايدالانۋعا مۇمكىندىك بەرەدى.