جەتىسۋ وبلىسىندا «تازا قازاقستان» ەكولوگيالىق باعدارلاماسى اياسىندا تالدىقورعاندا ەرەكشە فورماتتاعى اكتسيا ۇيىمداستىرىلدى, دەپ جازادى Egemen.kz.
قاتىسۋشىلار قالا كوشەلەرىن تازالاپ جۇرگەن ەڭبەككەرلەرگە العىس ايتىپ, ولاردى ىستىق شايمەن كۇتىپ, سانيتارلىق جۇمىستارعا بىرگە اتسالىستى. شاراعا 50-گە جۋىق ادام قاتىستى.
«جەتىسۋ جاستارى» كمم ديرەكتورى ءشامىل ۆانكەەۆتىڭ ايتۋىنشا, اكتسيانىڭ ماقساتى – تەك قوقىس جيناۋ ەمەس, ەكولوگيالىق مادەنيەتتى دامىتۋ جانە قوعامدى ورتاق جاۋاپكەرشىلىككە شاقىرۋ.
«TAZA ECO» كلۋبىنىڭ مۇشەسى اقەركە دوسىمحانقىزى مۇنداي شارالار جاستاردىڭ تابيعاتقا جاناشىرلىعىن ارتتىرىپ, ەڭبەكتى باعالاۋعا, قوعامعا ۇلەس قوسۋعا تاربيەلەيتىنىن اتاپ ءوتتى. ونىڭ ايتۋىنشا, ءاربىر تازالانعان كوشە – قوعامنىڭ بىرلىگى مەن جاۋاپكەرشىلىگىنىڭ كورىنىسى.