الماتىنىڭ «قايرات» كومانداسىنىڭ جانە قازاقستان قۇراماسىنىڭ قاقپاشىسى تەمىرلان اناربەكوۆ چەمپيوندار ليگاسى ماتچىندا ەڭ جوعارى باعا العان فۋتبولشىلار قاتارىنا كىردى, دەپ حابارلايدى Egemen.kz.
Sofascore دەرەگىنشە, اناربەكوۆ چەمپيوندار ليگاسىنىڭ جالپى كەزەڭىنىڭ ءۇشىنشى تۋرىنداعى كيپردىڭ «پافوس» كلۋبىنا قارسى وتكەن ويىندا «10» دەگەن ەڭ جوعارى باعاعا يە بولدى.
بۇل ماتچ تەمىرلان ءۇشىن جاقىندا العان جاق سۇيەگى جاراقاتىنان كەيىنگى العاشقى ويىن ەدى.
ەكىنشى تايمدا ول ناعىز قاھارمانعا اينالدى – ەكى بىردەي سۋپەرسەيۆ جاساپ, الماتىلىقتاردىڭ قاقپاسىن امان ساقتاپ قالدى.
قازاقستاندىق قاقپاشى فەرمين لوپەس («بارسەلونا»), كيليان مباپپە («رەال»), فيل فودەن («مانچەستەر سيتي») سىندى جۇلدىزدارمەن بىرگە ەڭ جوعارى «10» باعاسىن العان ويىنشىلار تىزىمىنە ەندى.
ايتا كەتەيىك, «قايراتتىڭ» چەمپيوندار ليگاسىنداعى كەلەسى ماتچى 9 جەلتوقسان كۇنى استانادا وتەدى. كلۋب «استانا ارەنا» ستاديونىندا گرەكتىڭ «وليمپياكوس» كومانداسىمەن كەزدەسەدى. بيلەتتەردىڭ ساتىلىمى باستالعان.