استانا قالاسى اكىمدىگىنىڭ مۋزىكالىق جاس كورەرمەن تەاترى 2025 جىلدىڭ 2 جەلتوقسانىندا ق.ءجۇنىسوۆتىڭ «امىرە» مۋزىكالىق دراماسىنىڭ پرەمەراسىن ۇسىنادى. ايتۋلى قويىلىم قازاقتىڭ ءبىرتۋار ءانشىسى امىرە قاشاۋباەۆتىڭ پاريجدەگى دۇنيەجۇزىلىك «ەكسپو» كورمەسىندە ونەر كورسەتكەنىنە 100 جىل تولۋىنا ارنالعان, دەپ جازادى Egemen.kz.
امىرە قاشاۋباەۆتىڭ شىعارماشىلىعى تەك حالىق ءانشىسى رەتىندەگى جەتىستىكتەرىمەن عانا ەمەس, سونىمەن بىرگە قازاق كاسىبي تەاترىن دامىتۋداعى رولىمەن دە ماڭىزدى. دراماعا ءبىرتۋار ءانشىنىڭ ءومىر جولى, ساحنالىق بيوگرافياسى مەن مۋزىكالىق مۇراسى ارقاۋ بولعان.
مۋزىكالىق دراما جانرى ارقىلى ساحنادا ۇلى تۇلعانىڭ ءومىرى مەن شىعارماشىلىعى, ۇلتتىق مادەنيەتىمىزدىڭ اسىل مۇراسى كورەرمەنگە جاڭا قىرىنان تانىستىرىلادى. قويۋشى-رەجيسسەر, قازاقستاننىڭ ەڭبەك سىڭىرگەن قايراتكەرى اسحات ماەميروۆتىڭ سۋرەتكەرلىك ساراپتاۋىندا ساحنا تورىنە شىعاتىن قويىلىم – قازاق تەاترىنىڭ جاڭا تىنىسىن سەزدىرەتىن كوركەمدىك تاجىريبە دەسەك, ارتىق ايتقاندىعىمىز ەمەس.
سپەكتاكل تاريحي شىندىق پەن كوركەم ويدى ۇيلەستىرەدى. 1925 جىلعى پاريج كورمەسىندە ءان شىرقاعان قازاقتىڭ العاشقى كاسىبي ءانشىسىنىڭ جەتىستىگى ساحنا ارقىلى كورسەتىلەدى. بۇل جەردە ءومىر مەن ونەر, ادامدىق قاسيەت پەن زۇلمات زامان اراسىنداعى قاقتىعىستار دراماتۋرگيالىق تىلمەن تەرەڭ بەينەلەنگەن. ءار ساحنالىق كورىنىس كورەرمەندى تەك ەموتسيالىق تاجىريبەگە جەتەلەپ قانا قويماي, ۇلتتىق مادەنيەت پەن تاريحقا تەرەڭ بويلاۋعا شاقىرادى.
امىرە قاشاۋباەۆ قازاق ءداستۇرلى ءان ونەرىندە ۇلى ورىنداۋشى رەتىندە ەستە قالدى. ونىڭ ورىنداۋشىلىق شەبەرلىگى مەن داۋسىنىڭ تەرەڭ ءمانى – حالىق اندەرىنىڭ فيلوسوفياسىن, ۇلتتىق مىنەز-ق ۇلىق پەن رۋحاني قۇندىلىقتى جەتكىزۋدىڭ بىرەگەي قۇرالى. مۋزىكالىق دراما جانرى بۇل مۇرانى ساحنادا جاڭا بوياۋمەن كورسەتىپ, كورەرمەنگە ەستەن كەتپەس اسەر سىيلايدى دەپ كۇتىلۋدە.
قويىلىمنىڭ كوركەمدىك قۇرامى دا نازار اۋدارۋعا تۇرارلىق. ورازالى يگىلىك امىرە بەينەسىندە تەرەڭ پسيحولوگيزم مەن ەموتسيالىق شىنايىلىقتى جەتكىزەدى. كوستيۋم سۋرەتشىسى ايدانا ەڭگەباي مەن جارىق سۋرەتشىسى ەرمەك مۇحتار ۇلىنىڭ جۇمىسى ساحنالىق اتموسفەرانى تولىقتىرا وتىرىپ, كوركەمدىك اسەردى كۇشەيتەدى. دىبىس رەجيسسەرى مەرگەن اجباەۆتىڭ قولداۋىمەن مۋزىكالىق كورىنىستەر تىڭداۋشىعا شىنايى اسەر قالدىرادى.
ايتۋلى پرەمەرا – قازاق ساحنا ونەرىندە ۇلى تۇلعانىڭ ءومىرى مەن ونەرىن جاڭاشا اشىپ كورسەتۋگە باعىتتالعان ماڭىزدى مادەني وقيعا. «امىرە» قويىلىمى كورەرمەندى تەك ونەر الەمىنە باۋراپ قانا قويماي, ۇلتتىق مادەنيەتىمىزدىڭ بايلىعىن سەزىنۋگە, وتكەن مەن بۇگىندى بايلانىستىرۋعا مۇمكىندىك بەرەدى. كورەرمەن ساحنا ءتىلى ارقىلى ۇلى ءانشىنىڭ رۋحاني مۇراسىن, ساحناداعى شەبەرلىگى مەن ۇلتتىق ونەردىڭ قۇندىلىعىن تەرەڭ تۇسىنەدى.