اتىراۋ. 20 اقپان. جوعارعى سوت توراعاسى قايرات ءمامي اتىراۋ سۋديالارىنىڭ ۇشەۋى تارتىپتىك جازاعا تارتىلعانىن ءمالىم ەتتى. بۇل تۋرالى egemen.kz ءتىلشىسى حابارلادى.
«بىلتىر اتىراۋ وبلىسىنداعى سۋديالاردىڭ ۇشەۋى تارتىپتىك جازاعا تارتىلدى. اتىراۋ وبلىسىنان جوعارعى سوتقا تۇسەتىن ارىزداردىڭ 82 پايىزى ەكونوميكالىق سوتتىڭ توراعاسى مەن سۋديالارىنا قاتىستى بولىپ وتىر. اۋداندىق سوتتاردىڭ 9 ءىسى بۇزىلدى. وسىنداي كەمشىلىكتەر اتىراۋ وبلىستىق سوتىنىڭ رەيتينگىن 13-ءشى ورىنعا جىلجىتتى», دەدى جوعارعى سوت توراعاسى قايرات ءمامي وبلىستىق سوتتار كورپۋسىمەن وتكىزگەن كەڭەستە.
ول اتىراۋ وبلىستىق سوتىنا جاڭادان تاعايىندالعان توراعا مارعۇلان بەكتۇرعانوۆقا ورەسكەل كەمشىلىكتەردى بولدىرماۋ جونىندە ارنايى تاپسىرما بەردى.
جولداسبەك شوپەعۇل.
دەرەك: egemen.kz.
سۋرەت: راحىم قويلىباەۆ.