الماتى وبلىسى, تالعار اۋدانىندا ءوز قىزىن 16 جەردەن پىشاقتاپ ولتىرگەن ەر ادامعا قاتىستى قىلمىستىق ءىس قوزعالدى. بۇل تۋرالى ىشكى ىستەر ءمينيسترىنىڭ ورىنباسارى سانجار ءادىلوۆ مالىمدەدى, دەپ حابارلايدى Egemen.kz.
ءىس 15 جاستاعى مەكتەپ وقۋشىسىن ءولتىرۋ فاكتىسى بويىنشا, قىلمىستىق كودەكستىڭ 99-بابى (ادام ءولتىرۋ) اياسىندا قارالىپ جاتىر. كۇدىكتى رەتىندە تۋعان اكەسى ۇستالىپ, قاماۋعا الىنعان. قىلمىس قۇرالى رەتىندە پىشاق تاركىلەنىپ وتىر.
س.ءادىلوۆتىڭ مالىمەتىنشە, قىلمىس جاسالعان كەزدە ەر ادام ماس بولعان. پوليتسەيلەر وقيعا ورنىن جەدەل قاراپ, كۇدىكتىنى ء«ىزىن سۋىتپاي» ۇستاعان.
قازىر بىرقاتار سوت-مەديتسينالىق ساراپتامالار جۇرگىزىلىپ جاتىر. سونىمەن قاتار سوت-پسيحياتريالىق ساراپتاما دا تاعايىندالعان. بارلىق پروتسەدۋرالار اياقتالعاننان كەيىن ءىس سوتقا جىبەرىلەدى. ءىىم وكىلدەرى تەرگەۋ اسا اۋىر قىلمىس بابى بويىنشا ءجۇرىپ جاتقانىن اتاپ ءوتتى.