ۇلتتىق قاۋىپسىزدىك كوميتەتى «استانا ەكسپو-2017» توراعاسىنىڭ بۇرىنعى كەڭەسشىسى ايدوس ەسپولوۆقا قاتىستى قىلمىستىق ءىس قوزعالعانىن راستادى, دەپ حابارلايدى Egemen.kz.
«ۇلتتىق قاۋىپسىزدىك كوميتەتى وسى وقيعا بويىنشا سوتقا دەيىنگى تەرگەۋ امالدارىن جۇرگىزىپ جاتىر. قىلمىستىق ءىس جۇرگىزۋ كودەكسىنىڭ 201-بابىنىڭ 1-بولىگىنە سايكەس قوسىمشا اقپارات جاريا ەتىلمەيدى», دەلىنگەن حابارلامادا.
ايدوس ەسپولوۆقا حالىقارالىق كورمە جوباسىنان 2,2 ميلليارد تەڭگە جىمقىردى دەگەن ايىپ تاعىلعان.
ايتا كەتەيىك, ايدوس ەسپولوۆ بۇرىنعى پرەزيدەنت نۇرسۇلتان نازارباەۆتىڭ بەيرەسمي ءۇشىنشى ايەلى سانالاتىن اسەل قۇرمانباەۆانىڭ تۋعان اعاسى. سونىمەن قاتار ەۋرازيالىق تەحنولوگيالىق ۋنيۆەرسيتەتى مەن «Alatau Asset Management Company» سەرىكتەستىگىنىڭ قۇرىلتايشىسى.