اتىراۋ. 20 اقپان. اتىراۋ وبلىسىندا قۇلسارى قالاسىنان اقتوبە وبلىسىنا بارۋ ءۇشىن جولعا شىعىپ, قار قۇرساۋىنا قالعان 4 جولاۋشى قۇتقارىلدى. بۇل تۋرالى egemen.kz ءتىلشىسى حابارلادى.
قۇلسارى قالاسىنىڭ 4 تۇرعىنى 18 قاڭتاردا تۇسكە جاقىن «لادا گرانتا» جەڭىل كولىگىمەن اقتوبە وبلىسىنا بارۋ ءۇشىن جولعا جينالعان. ولار بايعانين اۋدانىنداعى ويماۋىت اۋىلىندا وتەتىن ساداقاعا قاتىسپاق بولعان. جولاۋشىلار سول كۇنى كەشكىلىك 17.00. ساعاتتا اعايىندارىمەن تەلەفون بايلانىسىنا شىققاندا قۇلسارى قالاسىنان 200 شاقىرىم قاشىقتاعى «قاراجار قىستاعىنىڭ ماڭىندامىز» دەپتى. سودان كەيىن ولارمەن بىردە-ءبىر ۇيالى تەلەفونمەن بايلانىسۋ مۇمكىن بولماعان. تەلەفون بايلانىسى ۇزىلگەنىنە الاڭداعان اعايىندارىنىڭ حابارلاۋىمەن 19 قاڭتاردا جولاۋشىلاردى ىزدەۋ باستالدى.
ىزدەۋ جۇمىستارىنا توتەنشە جاعدايلار دەپارتامەنتىنەن «ترەكول» جول تالعامايتىن كولىگى, قۇتقارۋشىلار مەن دارىگەر جۇمىلدىرىلدى. كومەككە «دوسسورمۇنايگاز» باسقارماسىنىڭ «دجيپ» كولىگى مەن مۇنايشىلار دا قول ۇشىن سوزدى. جولاۋشىلاردى ىزدەۋشىلەر كەشە كەشكىلىك ولاردى قىزىلقوعا اۋدانى اۋماعىنداعى «اقسۋات» قىستاۋىنان 18 شاقىرىم جەردەن تاپتى. بەلگىلى بولعانىنداي, جولاۋشىلار كولىگى قارعا باتىپ قالىپتى. بۇل ماڭدا ۇيالى بايلانىس جەلىسى ۇستامايدى ەكەن. كولىكتەگى ءتورت جولاۋشى –ەكى ەر جانە ەكى ايەل ادام قۇتقارىلدى.
جولداسبەك شوپەعۇل.
دەرەك: egemen.kz.
سۋرەت: راحىم قويلىباەۆ.