وبەكتيۆتە – اۋىل تىرلىگى

ماراپاتتاۋ راسىمىندە ۇزدىك جۇمىستار كور­مەسىنىڭ اشىلۋى ءوتىپ, مادەنيەت جانە اقپارات مينيسترلىگىنىڭ قول­داۋىمەن شىعارعان «اۋىل ناقىشتارى» اتتى كوركەم فوتوالبومى تانىستىرىلدى.

«اۋىل ناقىشتارى» بايقاۋى تەك قانا ەلىمىزدىڭ ءداستۇرىن ساقتاۋ مەن ناسي­حات­تاۋعا ارنالعان ماڭىزدى ءىس-شارا عانا ەمەس, سونىمەن قاتار فوتوسۋرەت ونەرىن ىلگەرىلەتۋگە ارنالعان قۋاتتى قۇرال. جىل سايىن بايقاۋعا قاتىسۋشىلار سانى ارتىپ, بىزگە اۋىلدىق ءومىردىڭ سۇلۋ­لىعى مەن ەرەكشەلىگىن كورسەتۋگە مۇمكىندىك بەرەدى», دەيدى «اۋىل» پارتياسىنىڭ توراعاسى سەرىك ەگىزباەۆ.

«اۋىل پەيزاجدارى», «ەڭبەك ادامىنىڭ فوتوپور­ترەتى», «فوتورەپورتاج», «اۋىلداعى باقىتتى بالا­لىق» اتتى اتالىمدارىندا وتكەن بيىلعى بايقاۋعا ەلىمىزدىڭ تۇكپىر-تۇكپىرىنەن 678 قاتىسۋشى قاتىسقان. جالپى, 3366 فوتوسۋرەت ۇسىنىلعان. سونداي-اق «كورەر­مەندەر كوزايىمى» اتالىمىندا الەۋمەتتىك جەلى قولدانۋشىلارى ۇنا­عان فوتوسۋرەتتى تاڭداي الدى. Telegram چاتىندا ۇسى­نىل­عان 10 ۇمىتكەردەن داۋىس بەرۋ ار­قىلى جەڭىمپاز انىق­تال­دى.

بايقاۋ جەڭىمپازدارى سەرتيفيكاتتار مەن باعالى سىيلىقتارمەن مارا­پات­تا­لىپ, جالپى جۇل­دە قورى 3 900 000 تەڭ­گەنى قۇرا­دى.

سونىمەن, فوتوبايگەنىڭ قورىتىندى شەشىمىمەن, باس جۇلدە – ماكسات شاعىرباەۆ (شىمكەنت), «اۋىل پەيزاجدارى» اتالىمىندا 1-ورىن – دوسجان بالابەك ۇلى (الماتى) 2-ورىن – مەيىربەك تاجكۋرانوۆ (باتىس قازاق­­ستان وبلىسى) 3-ورىن – ەرلان  وماروۆ (استانا), «ەڭبەك ادامىنىڭ فوتوپورترەتى» اتالىمىندا 1-ورىن – ەرجان نۇرپەيسوۆ (اتىراۋ وبلىسى), 2-ورىن – تلەۋبەك شاياحمەت (شىعىس قازاقستان وبلىسى), 3-ورىن – قايسار شەرىموۆ (شىمكەنت), «فوتورەپورتاج» اتالىمىندا 1-ورىن – مەيىربەك تاجكۋرانوۆ (باتىس قازاقستان وبلىسى), 2-ورىن – ەرلان وماروۆ (استانا), 3-ورىن – ازامات حۋساينوۆ (الماتى), «اۋىلداعى باقىتتى بالالىق» اتالىمىندا ميرات قورجىنباەۆ (باتىس قازاقستان وبلىسى), «كورەرمەندەر كوزايىمى» اتالىمىندا ماركس قالقامانوۆ (اتىراۋ وبلىسى) جۇلدەلى بولدى.