«الماتىباسجوسپار» عزي باس ديرەكتورى اسحات سادۋوۆ وڭىرلىك كوممۋنيكاتسيالار قىزمەتىنىڭ بريفينگىندە حابارلاعانداي, جاڭارتىلعان ەسەپتەۋلەرگە سايكەس 2030 جىلعا قاراي قالا حالقىنىڭ سانى 2 ملن 750 مىڭ ادامعا جەتەدى, ال 10 جىلدان كەيىن 3,6 ملن-عا دەيىن كوبەيمەك, دەپ حابارلايدى Egemen.kz.
ء«بىز جاڭا الاتاۋ قالاسى مەن ىرگەلەس اگلومەراتسيانى ەسكەرە وتىرىپ, تىعىزدىقتى بارلىق پوليتسەنترلەر بويىنشا بىركەلكى ءبولۋدى جوسپارلاپ وتىرمىز. نەگىزىنەن, قالانىڭ سىيىمدىلىق سيپاتتامالارى بۇعان مۇمكىندىك بەرەدى. حالىق ءوسىمىنىڭ 35%-ى – تابيعي ءوسىم, ال 65%-ى – مەحانيكالىق ءوسىم, ياعني, بۇل ۇنەمى ءوسىپ كەلە جاتقان كوشى-قون اعىنى», دەدى ول.
2023 جىلدىڭ قاڭتارىندا الماتىنىڭ جاڭا باس جوسپارىن دايىنداۋ بارىسىندا 2040 جىلعا قاراي مەگاپوليس حالقىنىڭ سانى 3 ملن ادامعا جەتۋى مۇمكىن ەكەنى حابارلاندى. ازاماتتاردى باسپانامەن قامتاماسىز ەتۋ ءۇشىن 45,6 ملن شارشى مەتر تۇرعىن ءۇي سالۋ جوسپارلانعان بولاتىن.2023 جىلعى مامىردا ۇكىمەت الماتىنىڭ 2040 جىلعا دەيىنگى باس جوسپارىن بەكىتتى, الايدا قازىر قۇجات تۇزەتۋ كەزەڭىنەن ءوتىپ جاتىر. قازىر الماتىدا 2 ملن 292 مىڭ ادام تۇرادى.
باس جوسپار اياسىندا الماتىدا 5 پوليتسەنتر پايدا بولادى:
• سولتۇستىك: «الماتى-1» ستانتسياسىنىڭ جانىندا ورنالاسقان. مۇندا قىزمەت كورسەتۋ سالاسى مەن شاعىن بيزنەس دامىتىلادى, سونداي-اق دەمالىس ايماقتارى قۇرىلادى.
• باتىس: «الماتى-3» جاڭا ۆوكزالىنىڭ جانە بورالداي كەنتىنىڭ اۋدانىندا ورنالاسقان. مۇندا جاڭا كولىك حابى, ۇلكەن پارك (90 گەكتار) جانە كوپسالالى اۋرۋحانا سالىنادى.
• وڭتۇستىك-باتىس: رايىمبەك داڭعىلى مەن الاتاۋ كوشەسىنىڭ جانىندا ورنالاسقان. مۇندا ونەركاسىپتىك پاركتەر, ساۋدا جانە لوگيستيكالىق ورتالىقتار ورنالاسادى.
• تاريحي ورتالىعى: مەدەۋ اۋدانىنداعى «التىن شارشى مەتر». مۇندا عيماراتتار قالپىنا كەلتىرىلەدى, ونەركاسىپكە تىيىم سالىنادى.• شىعىس قاقپاسى: تالعار جانە قۇلجا تراكتىلەرىنىڭ اۋدانى. مۇندا ءىرى لوگيستيكالىق حاب ورنالاسادى.