فۋتبولدان UEFA چەمپيوندار ليگاسى نەگىزگى كەزەڭىنىڭ بەسىنشى تۋرىندا قازاقستاندىق «قايرات» سىرت الاڭدا دانيانىڭ «كوپەنگاگەن» كومانداسىمەن كەزدەستى, دەپ حابارلايدى Egemen.kz.
العاشقى مينۋتتان دانيالىق كوماندا تىزگىندى ءوز قولىندا ۇستاۋعا تىرىستى. كوبىرەك شابۋىل جاساپ, گول سوعاتىن مۇمكىندىكتى ىزدەدى. وسىنداي ساتتەردىڭ بىرىندە ولاردىڭ قاتارىنان ۆيكتور داداسون 26-مينۋتتا كوزدەگەن نىسانادان ءمۇلت كەتكەن جوق.
ەكىنشى كەزەڭدە دە الاڭ يەلەرى شابۋىلعا كوبىرەك كوڭىل ءبولدى. ويىننىڭ 59-مينۋتىندا «قايرات» قاقپاسىنا بەلگىلەنگەن پەنالتيدەن دجوردان لارسسون ءمۇلت كەتكەن جوق.
ال 73-مينۋتتا «كوپەنگاگەن» ساپىنان روبەرت باسىمدىقتى ارتتىردى.
ويىننىڭ 81-مينۋتىندا الماتىلىق كلۋبتان داستان ساتپاەۆ دانيالىق قاقپاشىنىڭ قاتەلىگىن پايدالانىپ, ءوزىنىڭ اتالعان ءتۋرنيردىڭ نەگىزگى كەزەڭىندەگى العاشقى گولىن سوقتى.
ال 90-مينۋتتا «قايراتتىڭ» تاعى ءبىر ويىنشىسى ولجاس بايبەك كوزدەگەن نىسانادان ءمۇلت كەتكەن جوق.
وسىلايشا قازاقستاندىق كوماندا قارسىلاسىنا 2:3 ەسەبىمەن ەسە جىبەردى.
«قايرات» پورتۋگاليانىڭ «سپورتينگىنە» 1:4, يسپانيانىڭ «رەال مادريدىنە» 0:5, يتاليانىڭ «ينتەرىنە» 1:2 ەسەبىمەن جول بەرسە, كيپردىڭ «پافوسىمەن» 0:0 ەسەبىمەن تەڭ ءتۇستى.
ال «كوپەنگاگەن» كومانداسى گەرمانيانىڭ «بايەرىمەن» 2:2 ەسەبىمەن تەڭ ويناپ, ودان كەيىن ازەربايجاننىڭ «كاراباح» كلۋبىنان 0:2, گەرمانيانىڭ «بورۋسسيا دورتمۋندىنان» 2:4, انگليانىڭ «توتەنحەم حوتسپۋرىنان» 0:4 ەسەبىمەن جەڭىلىپ قالعان ەدى.
ەندى قازاقستاندىق كلۋب ودان كەيىن 9 جەلتوقساندا استانادا گرەكيانىڭ «وليمپياكوس», 2026 جىلدىڭ 20 قاڭتارىندا بەلگيانىڭ «بريۋگگە» كلۋبىن قابىلدايدى.