Disney كومپانياسى ءوز قاراجاتىنا «اڭدار شاھارى 2» ءفيلمىن قازاق تىلىندە دۋبلياجدادى, دەپ حابارلايدى Egemen.kz.
«اڭدار شاھارى 2» ءفيلمىنىڭ قازاق تىلىندەگى نۇسقاسىندا اكتريسا, بلوگەر ءسابيرا جاراسقىزى باستى كەيىپكەرلەردىڭ ءبىرى – دجۋدي حوپپستى, اكتەر باقىتجان الپەيىس – ميلتوندى, سونداي-اق اسان ءماجىت – كاپيتان بۋيۆولسوندى, ەركەبۇلان دايىروۆ ءداۋ مىرزانى دىبىستادى.
انيماتسيالىق ءفيلمنىڭ دۋبلياج رەجيسسەرى بولعان شاح-مۇرات ورداباەۆ مەملەكەتتىك تىلدەگى فيلمدەرگە تەك كينوتەاترلار عانا ەمەس, ونلاين-كينوتەاترلاردا سۇرانىس ارتقانىن اتاپ ءوتتى. ونىڭ ايتۋىنشا, جىل سوڭىنا دەيىن تاعى ءبىر فيلم قازاق تىلىندە جارىق كورەدى, ول – اتاقتى رەجيسسەر دجەيمس كەمەرونننىڭ «اۆاتار: وت پەن كۇل» ءفيلمى.
الايدا شاح-مۇرات ورداباەۆ قازاق تىلىندە دىبىستالعان فيلمدەرگە قاتىستى ماسەلە بار ەكەنىن دە جاسىرمادى. ونىڭ سوزىنە قاراعاندا, كينوتەاترلار قازاق تىلىندە دىبىستالعان ءفيلمنىڭ سەانستارىن كوبەيتۋدەن ءالى دە تارتىنادى.
– كينوتەاترلار يەلەرى ءبىرىنشى كەزەكتە تابىستى ويلايدى. بىراق حالىق قولداۋى ارتسا, جاعداي وزگەرۋى مۇمكىن, – دەيدى ول.
ەسكە سالايىق, بىلتىر الەمدىك كينوكومپانيا «ويجۇمباق 2», «موانا 2», «مۋفاسا. ارىستان پاتشا» اتتى ءۇش ءفيلمىن قازاق تىلىنە اۋدارۋعا تاپسىرىس بەرىپ, دۋبلياج جۇمىستارىن قارجىلاندىردى.
ال 2025 جىلى Disney ستۋدياسى «ەليو» ءفيلمىن قازاق تىلىنە دۋبلياجدادى.