وقيعا سارىاعاش اۋدانى, اقجار اۋىلى, ماڭگىلىك كوشەسىندە بولعان. توتەنشە جاعدايلار قىزمەتىنىڭ حابارلاۋىنشا, وقيعاعا جىلىتۋ پەشىنىڭ اقاۋى سەبەپ بولعان. سالدارىنان ءتۇتىن ءۇي ىشىنە تاراپ, تۇرعىنداردىڭ دەنساۋلىعىنا زيان كەلگەن, دەپ حابارلايدى Egemen.kz.
زارداپ شەككەن جەتى ادامدى دارىگەرلەر تەكسەرىپ, جاعدايلارى تۇراقتالعاننان كەيىن ۇيلەرىنە جىبەرىلگەن. ال, ءۇي يەسى ءورت قاۋىپسىزدىگى ەرەجەلەرىن بۇزعانى ءۇشىن اكىمشىلىك قۇقىقبۇزۋشىلىق تۋرالى كودەكستىڭ 410-بابى بويىنشا جاۋاپقا تارتىلدى.
وبلىستىق تجد مەملەكەتتىك ءورت باقىلاۋ باسقارماسى جىلىتۋ ماۋسىمىندا پەشتەر مەن ءتۇتىن قۇبىرلارىن ۇنەمى تەكسەرىپ وتىرۋ قاجەتتىگىن ەسكە سالادى. اقاۋ بايقالسا, ءوز بەتىنشە جوندەۋگە تىرىسپاي, مىندەتتى تۇردە ماماندارعا جۇگىنۋ قاجەت.