استانا. 20 اقپان. مۇسايبەكوۆ ساكەن جۇنىسبەك ۇلى قازاقستان مادەنيەت جانە سپورت ءمينيسترىنىڭ ورىنباسارى بولىپ تاعايىندالدى. بۇل تۋرالى مينيسترلىكتىڭ ءباسپاسوز قىزمەتى حابارلادى.
ۆيتسە-مينيستر دەنە شىنىقتىرۋ جانە سپورت ماسەلەلەرىنە باسشىلىق جاسايدى.
ساكەن مۇسايبەكوۆ 1967 جىلى سولتۇستىك قازاقستان وبلىسىندا تۋعان.
1991 جىلى ۆ.ي.لەنين اتىنداعى قازاق پوليتەحنيكالىق ينستيتۋتىن تاۋ ينجەنەرى ماماندىعى بويىنشا بىتىرگەن. 1996 جىلى قازاق مەملەكەتتىك باسقارۋ اكادەمياسىنان حالىقارالىق ەكونوميست ماماندىعىن الىپ شىققان.
ەڭبەك جولىن 1990 جىلى باستاعان. كوممەرتسيالىق قۇرىلىمداردا باسشىلىق قىزمەتتەر اتقارعان. 1995 جىلى مينيسترلەر كابينەتى جانىنداعى شەت ەل كاپيتالىن پايدالانۋ جونىندەگى كوميتەتتىڭ جەتەكشى مامانى, باس مامانى بولدى. 1996 جىلى قازاقستان پارلامەنتى ءماجىلىسى توراعاسىنىڭ كومەكشىسى, ودان كەيىن مەملەكەتتىك كىرىس ءمينيسترىنىڭ كەڭەسشىسى بولىپ تاعايىندالدى. 2000 جىلدان قارجى مينيسترلىگىنىڭ اكىمشىلىك دەپارتامەنتىنىڭ ديرەكتورى, «قازاقاۆتوجول» كاسىپورنى باس ديرەكتورىنىڭ ورىنباسارى, Oil group NC جشس باسشىسىنىڭ كەڭەسشىسى, قارجى مينيسترلىگى اپپاراتىنىڭ باسشىسى, كولىك جانە كوممۋنيكاتسيا ۆيتسە-ءمينيسترى, قازاقستان پرەمەر-ءمينيسترىنىڭ شتاتتان تىس كەڭەسشىسى قىزمەتتەرىن اتقاردى.
2008 جىلى ناۋرىزدا «قازىنا» قازاقستاننىڭ تۇراقتى دامۋ قورى» اكتسيونەرلىك قوعامىنا باسقارۋشى ديرەكتور بولىپ, ودان كەيىن «سامۇرىق–قازىناعا» باسقارۋشى ديرەكتور بولىپ تاعايىنالدى. سوڭعى جىلدارى سپورتتىق جەكپە-جەك جانە كۇش قولدانىلاتىن سپورت تۇرلەرى كونفەدەراتسياسىنىڭ باس ديرەكتورىنىڭ قىزمەتىن اتقاردى.
مادەنيەت جانە سپورت جاڭا ۆيتسە-ءمينيسترى «قۇرمەت» وردەنىنىڭ يەگەرى.
ساكەن مايلىباي.