وبلىس اكىمدىگىنىڭ مالىمەتىنشە, ايماق باسشىسى اسحات شاحاروۆ بۇل تۋرالى Jibek Joly ارناسىنداعى «ۋادە» باعدارلاماسىندا ايتقان, دەپ حابارلايدى Egemen.kz.
اكىم وڭىردە جىلقى شارۋاشىلىعى ينستيتۋتىن قالىپتاستىرۋ جۇمىستارى قالاي ءجۇرىپ جاتقانىنا توقتالدى.
«نەگىزگى الاڭ رەتىندە ارنايى مەكەمەنى اشتىق. سوۆەت كەزەڭىنەن قالعان تاجىريبەلىك ستانسا بازاسىندا ينستيتۋت اشىپ, ۇيىمداستىردىق. العاشقى ماماندار تارتىلدى. قازىر جىلقى شارۋاشىلىعىن جاقسى مەڭگەرگەن پروفەسسورلار وسى ينستيتۋتتان تۇراقتى جۇمىس الدى. ەندى بازانى سالۋ ماسەلەسى قالدى. قازىر ۇكىمەتپەن بىرگە بازا سالىناتىن ورىندى تاڭدادىق. قۇرىلىس-مونتاج جۇمىستارىن باستاپ كەتتىك. كەلەسى جىلى تولىق اياقتايمىز دەپ جوسپارلاپ وتىرمىز», دەدى ول.
اسحات شاحاروۆ وبلىسقا ارنايى شاقىرتىلعان عالىمدارعا ۇلكەن سەنىم ارتىلىپ وتىرعانىن ايتتى.
«نەگىزگى ماقساتىمىز – اسىل تۇقىمدى جىلقىنى كوبىرەك شىعارىپ, ءوزىمىزدىڭ برەند رەتىندە ەكسپورتتاۋ. شاقىرعان پروفەسسورلارىمىز جۇمىستى قاجەتتى دەڭگەيدە اتقارىپ بەرسە, ءتول تۇقىمدى الەمدىك نارىققا شىعارۋعا مۇمكىندىك بولادى», دەدى ا.شاحاروۆ.