استانا. 9 تامىز. مەملەكەت باسشىسى احمەتجان ەسىموۆتى «استانا ەكسپو-2017» ۇك اق باسقارماسىنىڭ توراعاسى قىزمەتىنە تاعايىندادى. بۇل تۋرالى اقوردانىڭ ءباسپاسوز قىزمەتى تۆيتتەردە حابارلادى.
احمەتجان ەسىموۆ 1950 جىلى 15 جەلتوقساندا الماتى وبلىسىندا تۋعان.
«اۋىل شارۋاشىلىعى ءوندىرىسىنىڭ پروتسەستەر مەحانيزاتسياسى» ماماندىعى بويىنشا 1974 جىلى قازاق اۋىلشارۋاشىلىق ينستيتۋتىنىڭ مەحانيكالىق فاكۋلتەتىن بىتىرگەن. «الەۋمەتتىك-ساياسي قاتىناستار تەورياسى» ماماندىعى بويىنشا 1991 جىلى رەسەي قوعامدىق عىلىمدار اكادەمياسىنىڭ الەۋمەتتىك-ساياسي فاكۋلتەتىن تامامداعان. ەكونوميكا عىلىمدارىنىڭ دوكتورى.
احمەتجان ەسىموۆ 1990 جىلدان - قازكسر مەماگروونەركاسىپ توراعاسىنىڭ ءبىرىنشى ورىنباسارى, 1992 جىلدان - الماتى وبلىستىق اكىمشىلىگىنىڭ باسشىسى, 1994 جىلدان - پرەمەر-ءمينيستردىڭ ورىنباسارى, 1996 جىلدان - مەملەكەتتىك حاتشى, 1996 جىلدان - پرەمەر-ءمينيستردىڭ ءبىرىنشى ورىنباسارى - مەملەكەتتىك قارجى سالىمدار كوميتەتىنىڭ توراعاسى, 1998 جىلدان - پرەزيدەنت اكىمشىلىگىنىڭ جەتەكشىسى, 1998 جىلدان - قازاقستاننىڭ بەنيليۋكس مەملەكەتتەرىندەگى توتەنشە جانە وكىلەتتى ەلشىسى, 2001 جىلدان - اۋىل شارۋاشىلىعى ءمينيسترى, 2002 جىلدان - پرەمەر-ءمينيستردىڭ ورىنباسارى - اۋىل شارۋاشىلىعى ءمينيسترى, 2004 جىلدان - پرەمەر-ءمينيستردىڭ ورىنباسارى, 2006 جىلدىڭ قاڭتار ايىنان اۋىل شارۋاشىلىعى ءمينيسترى بولىپ قىزمەتتەر اتقاردى. 2008 جىلدان بەرى الماتى قالاسىنىڭ اكىمى بولىپ كەلدى.
2008 جىلدان - «نۇر وتان» حدپ قالالىق فيليالىنىڭ توراعاسى.
«قۇرمەت بەلگىسى» (1982), «پاراسات» (2002), «وتان» (2007) وردەندەرىمەن ماراپاتتالعان.
تالعات رايىمبەك.
دەرەك, سۋرەت: اقوردانىڭ ءباسپاسوز قىزمەتى.