اقتاۋدا امبەباپ قۇتقارۋ بولىمشەسى اشىلدى. سالتاناتتى ءىس-شاراعا تج ءمينيسترى گەنەرال-لەيتەنانت شىڭعىس ءارىنوۆ, ماڭعىستاۋ وبلىسىنىڭ اكىمى نۇرداۋلەت قيلىباي جانە ازاماتتىق قورعاۋ ورگاندارىنىڭ ارداگەرلەرى قاتىستى, دەپ جازادى Egemen.kz.
ءىس-شارا بارىسىندا مينيستر ءورت-قۇتقارۋ تەحنيكاسىنىڭ كىلتتەرىن تابىستادى.
جاڭا دەپو جەرگىلىكتى اتقارۋشى ورگانداردىڭ قاراجاتى ەسەبىنەن سالىندى. عيماراتتا جەكە قۇرامعا ارنالعان ءۇي-جايلار, وقۋ سىنىپتارى, اسحانا, جابدىق ساقتاۋ ايماقتارى مەن تەحنيكاعا ارنالعان بوكس, سونداي-اق «Batyr team» workout الاڭى قاراستىرىلعان.
بولىمشە جالپى سانى شامامەن 40 مىڭ ادام تۇراتىن اقتاۋدىڭ تومەنگى, پريمورسكي شاعىن اۋداندارىنا, ومىرزاق اۋىلىنا, ونەركاسىپتىك ايماقتار مەن جاعالاۋداعى اۋماقتارعا قىزمەت كورسەتەتىن بولادى.