ديەتولوگ مامانداردىڭ ايتۋىنشا, ءمانداريندى مولشەردەن كوپ جەۋ دەنساۋلىققا ايتارلىقتاي زيان كەلتىرۋى مۇمكىن. اسىرەسە اللەرگياسى بار ادامدار مەن اسقازان-ىشەك جولى اۋرۋلارىنا شالدىققاندارعا بۇل جەمىس جەمەگەن ءجون, دەپ حابارلايدى Egemen.kz.
Vm.ru باسىلىمىنىڭ جازۋىنشا, ماماندار ءار ادامنىڭ ماندارينگە رەاكتسياسى ءارتۇرلى بولاتىنىن ايتادى.
«بىرەۋ ون ماندارين جەپ ەشتەڭە سەزبەسە, باسقا بىرەۋدە ءبىر عانا جەمىس اللەرگيا تۋعىزۋى مۇمكىن», - دەيدى دارىگەرلەر.
تسيترۋستەردەگى ورگانيكالىق قىشقىلدار اسقازاننىڭ شىرىشتى قاباتىن تىتىركەندىرىپ, گاستريت, ويىق جارا جانە پانكرەاتيتتىڭ ورشۋىنە اكەپ سوعۋى ىقتيمال. سوندىقتان اللەرگياسى بار ادامدار مانداريننەن مۇلدە باس تارتقانى ءجون.
ماماندار دەنى ساۋ ەرەسەك ادام كۇنىنە ءتورت مانداريننەن ارتىق جەمەگەنى دۇرىس, ال بالالارعا تاۋلىگىنە ەكى دانادان ارتىق بەرۋگە بولمايدى.
سونىمەن بىرگە ديەتولوگتار ەنەرگەتيكالىق سۋسىنداردىڭ قاۋىپتىلىگىنە نازار اۋدارادى. سەبەبى مۇنداي سۋسىندار قۇرامىنداعى كوفەين مەن تاۋرين جۇيكە جۇيەسىنە اسەر ەتىپ, قان قىسىمىن كوتەرىپ, قان تامىرلارىن تارىلتادى.
«ەنەرگەتيكتەردەگى حوش يىستەندىرگىشتەر مەن ءتاتتى قوسپالار ۇيقىبەزگە, بۇيرەك پەن باۋىرعا زيان كەلتىرەدى», - دەيدى ماماندار.
ايتا كەتەرلىگى, ءبىر ليتر ەنەرگەتيكالىق سۋسىندا 300 مگ-عا دەيىن كوفەين بولۋى مۇمكىن, مۇنداي مولشەر ينسۋلت نەمەسە ينفاركت قاۋپىن جوعارىلاتادى. سونىمەن قاتار قانتتىڭ كوپتىگى سەمىزدىك پەن ديابەتكە الىپ كەلۋى مۇمكىن.