«SoundCam Go» – دىبىستى «كورە» الاتىن العاشقى ءپورتاتيۆتى كامەرا. بۇل شاعىن قۇرىلعى سمارتفونمەن جانە ارنايى قوسىمشامەن جۇمىس ىستەيدى.
ماقساتى – اۆتوموبيلدەگى جاسىرىن اقاۋدى, ەلەكتر تىزبەگىندەگى ىزىلداعان دىبىستى نەمەسە كوزگە كورىنبەيتىن كەز كەلگەن شۋدى لەزدە انىقتاۋ. كامەراعا اقاۋدى ءدال تابۋعا 72 ميكروفوننان تۇراتىن ماتريتسا كومەكتەسەدى. جۇمىس ىستەۋ قاعيداتى فازالىق انتەننا جۇيەسىنە ۇقسايدى. قۇرىلعى ءار دىبىستىڭ تارالۋ ۋاقىتىن سالىستىرىپ, ونىڭ ناقتى قايدان شىققانىن انىقتاپ, سىزبا جاسايدى. وسىلايشا, ماماندار دا, قاراپايىم جۇرگىزۋشىلەر دە اقاۋدىڭ ورنىن كوزبەن كورگەندەي ءدال تابا الادى.