قازاقستان-رەسەي شەكاراسىندا ەسىرتكىلىك زاتتى جاسىرىن وتكىزبەك بولعان ازاماتشا ۇستالدى.
ەلىمىزدىڭ باتىسىنداعى اقتوبە شەكارا وتريادىنا قاراستى «الىمبەت اۆتو» باقىلاۋ-وتكىزۋ بەكەتىنىڭ باقىلاۋشىلارى 20 ميلليليترلىك سۇيىق اپيىندى جاسىرىپ وتكىزۋگە تىرىسقان 37 جاستاعى ايەلدى ۇستادى.
«اقتوبە-ورسك» باعىتىندا كەلە جاتقان اۆتوبۋستى شەكارالىق باقىلاۋدان وتكىزگەن شەكارا ناريادى ءبىر ايەلدىڭ قول جۇگىنىڭ ىشىنە سالىنعان دجينسي شالبارىنىڭ قالتاسىنان 2 فلاكون «تروپيكاميد» ءدارىسىن تاپتى. ءاربىر فلاكوننىڭ سالماعى 10 ميلليليتردەن ەكەن. ال ونىڭ ىشىندەگىسى سۇيىق اپيىن بولىپ شىقتى, دەيدى ۇقك شق باسپاسوز قىزمەتى.
اتالعان دەرەك بويىنشا ىشكى ىستەر ورگاندارى حابارلاندىرىلدى. تەرگەۋ امالدارى جۇرگىزىلۋدە.
سۋرەت : http://bnews.kz