شىمكەنت اگرارلىق كوللەدجىنىڭ ديرەكتورى كەنجەحان تولەباەۆتىڭ باستاماسىمەن «كىتاپحاناعا كىتاپ سىيلايىق» دەگەن اكتسيا ۇيىمداستىرىلعان, ول دۇرىسى جالعاسىپ جاتىر. ۋاقىتىندا ماقتاارالداي ءىرى اۋداننىڭ اكىمى, وبلىس اكىمىنىڭ ورىنباسارى قىزمەتتەرىن اتقارعان كەنجەحان اتاحان ۇلى «كىتاپتىڭ – ءبىلىم بۇلاعى» ەكەندىگىن جاقسى بىلەدى.
اكتسياعا كوللەدج ۇجىمىنان بولەك كوپ ازاماتتار اتسالىسۋدا. وڭتۇستىكتە التىنسارى ۇمبەتاليەۆ دەگەن ايتۋلى ازامات بار. ەكونوميكا عىلىمدارىنىڭ دوكتورى, پروفەسسور ا.ۇمبەتاليەۆ بۇگىندە وبلىستىق كىرىس دەپارتامەنتىنىڭ باسشىسى. كوللەدج ۇجىمىمەن ارنايى كەزدەسۋگە كەلگەن التىنسارى دۇيسەنبەك ۇلى بۇگىنگى كۇنگى ەكونوميكالىق ساياسات, ەلباسىنىڭ تۇتقا بولۋىمەن مەملەكەتىمىزدە اتقارىلىپ جاتقان ىرگەلى ىستەر, قازاقستاننىڭ كەلەشەگى تۋرالى ويلارىمەن ءبولىستى.
ستۋدەنتتەردىڭ قويعان ساۋالدارىنا جاۋاپ بەردى. كىتاپحاناعا, ۇجىمعا كەرەك «سالىق جانە سالىق سالۋ», «اگرارلىق سەكتوردىڭ ەكونوميكاسى», «باعا بەلگىلەۋ», «نالوگووبلوجەنيە ۆ سەلسكوم حوزيايستۆە: تەوريا, پراكتيكا, رازۆيتيە» جانە «حالىقارالىق ەكونوميكا», «بانك ءىسى» سياقتى قۇندى كىتاپتاردى سىيلادى.
كوللەدج ديرەكتورى بىلىكتى ازاماتقا ۋاقىتىنا قاراي ستۋدەنتتەرگە ءدارىس وقىپ تۇرۋعا شاقىردى.
باقتيار تايجان,
«ەگەمەن قازاقستان».
شىمكەنت.