بۇل تۋرالى ماكروەكونوميكالىق تۇراقتاندىرۋ جانە حالىقتىڭ ءال-اۋقاتىن ارتتىرۋ جونىندەگى بىرلەسكەن ءىس-قيمىل باعدارلاماسىن تانىستىرعان پرەمەر-ءمينيستردىڭ ورىنباسارى – ۇلتتىق ەكونوميكا ءمينيسترى سەرىك جۇمانعارين مالىمدەدى, دەپ حابارلايدى Egemen.kz.
«ينفلياتسيانى تەجەۋ ءۇشىن ۇكىمەت تاراپىنان مىناداي نەگىزگى باعىتتار بويىنشا شارالار كۇشەيتىلەتىن بولادى: نارىقتى ونىممەن مولىقتىرۋ; ساقتاۋ جانە تۇتىنۋشىعا دەيىن جەتكىزۋ ينفراقۇرىلىمىن دامىتۋ; باعا بەلگىلەۋدى رەتتەۋ جانە مونوپولياعا قارسى رەتتەۋ», دەدى سەرىك جۇمانعارين.
سونىمەن قاتار «ينۆەستيتسيالارعا تاپسىرىس» باعدارلاماسى وندىرىستەردى دامىتۋعا, اسىرەسە «قاراپايىم زاتتار ەكونوميكاسى» تاۋارلارىن ىلگەرىلەتۋدە قولدانىلادى. سونداي-اق, جوبالاردى جۇزەگە اسىرۋ كەيبىر نەگىزگى ازىق-ت ۇلىك تاۋارلارى بويىنشا ءوزىن-ءوزى تولىق قامتاماسىز ەتۋ مەن ەكسپورتقا شىعۋدى قامتاماسىز ەتەدى.
سەرىك جۇمانعارين ماركەتپلەيستەردە باعانىڭ اشىقتىعىن ارتتىرۋ جونىندە شارالاردى اتاپ ءوتتى. وعان تاۋارلار قۇنىنا كىرەتىن سىياقىلار, كوميسسيالار جانە باسقا تولەمدەر تۋرالى اقپاراتتى تولىق كورسەتۋ كىرەدى.
«ساتۋشىلار مەن ساتىپ الۋشىلار ءۇشىن ءادىل جاعدايلار قالىپتاستىرۋ ماقساتىندا ساۋدا الاڭدارى مەن دەلدالدار كوميسسيالارىنىڭ دەڭگەيىن وڭتايلاندىرۋ تاسىلدەرى ازىرلەنەدى. تۇتىنۋشىلاردىڭ قۇقىقتارىن قورعاۋ ماقساتىندا ماركەتپلەيستەردە ءبولىپ تولەگەن جانە ءبولىپ تولەمەگەن كەزدە قوسارلانعان باعالار پراكتيكاسى ەنگىزىلەدى», دەدى ول.