سىرتقى ىستەر مينيسترلىگى بىرىككەن ۇلتتار ۇيىمى قاۋىپسىزدىك كەڭەسىنىڭ گازاداعى قاقتىعىستى توقتاتۋدىڭ كەشەندى جوسپارى تۋرالى 2803 (2025) قارارىنىڭ قابىلدانۋىن قۇپتايدى, دەپ جازادى Egemen.kz.
– امەريكا قۇراما شتاتتارى مەن پرەزيدەنت دونالد ترامپتىڭ, سونداي-اق اتىستى توقتاتۋ تۋرالى كەلىسىمگە قول جەتكىزىلۋىنە ماڭىزدى ۇلەس قوسقان باسقا ەلدەردىڭ كۇش-جىگەرىن جوعارى باعالايمىز.
قاراردىڭ قابىلدانۋى – گازا سەكتورىنداعى جاعدايدى شەشۋگە, تاراپتار اراسىنداعى سەنىمدى قالپىنا كەلتىرۋگە جانە تاياۋ شىعىستاعى تۇراقتى بەيبىتشىلىككە باعىتتالعان ماڭىزدى قادام, – دەپ جازدى ەلىمىزدىڭ ءسىم.
ۆەدومستۆونىڭ حابارلاۋىنشا, قازاقستان بۇۇ جارعىسىنا, قاۋىپسىزدىك كەڭەسىنىڭ ءتيىستى قارارلارىنا, حالىقارالىق گۋمانيتارلىق قۇقىققا جانە تاۋەلسىز, ومىرشەڭ جانە اۋماقتىق تۇرعىدان ءبىرتۇتاس پالەستينا مەملەكەتىن قۇرۋدى كوزدەيتىن «ەكى حالىق ءۇشىن ەكى مەملەكەت» فورمۋلاسىنا نەگىزدەلگەن تاياۋ شىعىس ماسەلەسىنىڭ بەيبىت, كەشەندى جانە ورنىقتى شەشىلۋىن ۇنەمى قولدايدى.
– قازاقستان يبراھيم كەلىسىمدەرى اياسىندا بارلىق سەرىكتەستەرمەن, سونىڭ ىشىندە پروتسەستەگى نەگىزگى دانەكەرلەرمەن سىندارلى تۇردە ءوزارا ارەكەتتەسۋگە جانە جاعدايدى تۇراقتاندىرۋعا, حالىققا گۋمانيتارلىق كولداۋدى ارتتىرۋعا جانە ۇزاق مەرزىمدى ساياسي پروتسەسكە جاعداي جاساۋعا باعىتتالعان حالىقارالىق كۇش-جىگەرگە ودان ءارى ۇلەس قوسۋعا دايىن, – دەلىنگەن مالىمدەمەدە.