الماتى. 24 ماۋسىم. قازاقستانداعى بالالار ءۇيى تاربيەلەنۋشىلەرىنىڭ قاتىسۋىمەن فۋتبولدان وتكەن چەمپيوناتتىڭ جەڭىمپازى انىقتالدى. قاراعاندى قالاسىنان كەلگەن «تاڭشولپان» كومانداسى تاراز قالاسىنىڭ «تۇلپار» كومانداسىن 1:0 ەسەبىمەن ۇتىپ, تۋرنير جەڭىمپازى اتاندى. ەكى ايعا سوزىلعان قىزۋ تالاستان كەيىن بالالار ءۇيى تاربيەلەنۋشىلەرى ءۇشىن ۇيىمداستىرىلعان فۋتبول مەرەكەسى – «ارمانىڭا جاقىندا» اتتى فۋتبول جاراسى وسىلايشا ءوز مارەسىنە جەتتى. بۇل تۋرالى egemen.kz حابارلادى.
جەڭىس جولىنداعى تارتىس قازاقستاننىڭ 8 كومانداسى اراسىندا ءوتتى. جەڭىمپاز كوماندانىڭ ويىنشىلارى 2015 جىلعى ەۋروپا چەمپيوناتىنا سايكەس, اتاپ ايتقاندا, «باۆاريا», «رەال-مادريد», «ميلان» جانە «توتەنحەم» كوماندالارىنىڭ ويىندارىنا تاماشالاۋعا قاتىسادى.
بالالار ءۇيى تاربيەلەنۋشىلەرىنىڭ اراسىندا وتەتىن فۋتبول چەمپيوناتى 2013 جىلدان بەرى «باۋىرجان» قايىرىمدىلىق قورى مەن «نۇر وتان» پارتياسىنىڭ, قازاقستان فۋتبول فەدەراتسياسى جانە قر بعم-ءنىڭ بالالاردىڭ قۇقىقتارىن قورعاۋ كوميتەتى مەن «تسەسنابانك» اق قولداۋىمەن ۇيىمداستىرىلىپ كەلەدى.
تالعات ءسۇيىنباي.
دەرەك, سۋرەت: egemen.kz.