بايلانىس وپەراتورلارى شاعىم تۇسكەننەن كەيىن, سونداي-اق ۇلتتىق بانكتىڭ انتيفرود ورتالىعىمەن ينتەگراتسيالانعان انتيفرود جۇيەلەرى ارقىلى الاياقتىق بەلگىلەرى انىقتالعان جاعدايدا – 2 جۇمىس كۇنى ىشىندە بۇعاتتايدى, دەپ حابارلايدى Egemen.kz.
ەگەر ءنومىر ارقىلى الاياقتىق ارەكەتتەر جاسالعانى راستالسا, وپەراتور ءنومىردى ۋاقىتشا بۇعاتتايدى جانە بۇل تۋرالى انتيفرود ورتالىعىنا حابارلايدى. ال الاياقتىق فاكتىسى راستالماسا, وپەراتور ەكى كۇن ىشىندە ۇلتتىق بانكتى بۇل تۋرالى رەسمي تۇردە قۇلاعدار ەتەدى.
تەلەفون ارقىلى جاسالاتىن الاياقتىقپەن كۇرەسۋگە باعىتتالعان وسى جۇيە ىسكە قوسىلعان سوڭ, ەندى نومىرلەردى نەگىزسىز بۇعاتتاۋ بويىنشا شاعىمداردىڭ تۋىنداۋ-تۋىنداماۋى باقىلانادى.
18 قاراشادان باستاپ جاڭا ەرەجە كۇشىنە ەنەتىنىن, ءتيىستى بۇيرىققا ونەركاسىپ جانە قۇرىلىس مينيسترلىگى قول قويعانىن جازعانبىز.