قازاقستان مەن وزبەكستان ەلدەرى ءبىلىم مەن عىلىم سالاسىنداعى بىرلەسكەن جۇمىس كەلەشەگىن, جاستار اراسىندا قارىم-قاتىناس ورناتۋ ماسەلەلەرىن نازاردان تىس قالدىرعان ەمەس. پرەزيدەنت قاسىم-جومارت توقاەۆ قازاقستان مەن وزبەكستان اراسىنداعى جوعارى مەملەكەتارالىق كەڭەستىڭ ەكىنشى وتىرىسىندا بۇل باعىتتاعى ايتارلىقتاي ىلگەرىلەۋدىڭ جارقىن ۇلگىسى رەتىندە بىلتىر ەكى ەلدىڭ جوعارى وقۋ ورىندارىنىڭ فيليالدارى اشىلعانىن اتاپ ءوتتى.
فيليالداردىڭ اشىلۋى قازاقستان پرەزيدەنتى قاسىم-جومارت توقاەۆ پەن وزبەكستان پرەزيدەنتى شاۆكات ميرزيوەۆتىڭ ديپلوماتيالىق ينستيتۋتتىڭ قۇرىلعانىنا 30 جىل تولۋىنا وراي كەزدەسۋىنىڭ قورىتىندىسى بويىنشا جاسالعان كەلىسىم نەگىزىندە جۇزەگە اسىرىلدى. قوس مەملەكەت اراسىنداعى قارىم-قاتىناستار مەملەكەت باسشىلارىنىڭ كەلىسسوزدەرىنىڭ ناتيجەسىندە «جول كارتاسى» ازىرلەندى. ەكى ەلدىڭ ۆەدومستۆولىق مينيسترلىكتەرى دەڭگەيىندە شىرشىق قالاسىندا فيليال اشۋ تۋرالى ۇشجاقتى كەلىسىمگە قول قويىلعان ەدى. وسىلايشا, وزبەكستاننىڭ شىرشىق قالاسىندا مۇحتار اۋەزوۆ اتىنداعى وڭتۇستىك قازاقستان مەملەكەتتىك ۋنيۆەرسيتەتىنىڭ فيليالى اشىلدى. ال الماتىدا تاشكەنت يرريگاتسيا جانە اۋىل شارۋاشىلىعىن مەحانيكالاندىرۋ ينجەنەرلەرى ينستيتۋتىنىڭ فيليالى جۇمىسىن باستادى.
جوعارى وقۋ ورنى فيليالدارىنىڭ اشىلۋى ەكى ەلدىڭ عىلىم-ءبىلىم سالاسىنداعى ىنتىماقتاستىعىن ارتتىرادى. بۇل ستراتەگيالىق يدەيانىڭ جۇزەگە اسۋىنا وڭتۇستىك قازاقستان زەرتتەۋ ۋنيۆەرسيتەتى رەكتورى قىزمەتىن اتقارىپ جۇرگەن كەزدە ەرەكشە ۇلەس قوستىم. وزبەكستانعا ىسساپارمەن بىرنەشە رەت بارىپ, فيليال اشۋ ماسەلەسىن كوتەرىپ, كەلىسسوزدەر جۇرگىزدىك. شىرشىق – وزبەكستاننىڭ ونەركاسىبى دامىعان, قازاقتار كوپ شوعىرلانعان قالاسىنىڭ ءبىرى. بۇل وڭىردە حيميا ونەركاسىبى, ماشينا جاساۋ, مەتالل وڭدەۋ سياقتى سالا قارقىندى دامىعان. الداعى ۋاقىتتا فيليال وكىلدىكتەرىن وزبەكستاننىڭ قاشقاداريا جانە سىرداريا اۋداندارىندا اشۋدى كوزدەپ وتىرمىز.
داريا قوجامجاروۆا,
م.اۋەزوۆ اتىنداعى وڭتۇستىك قازاقستان ۋنيۆەرسيتەتى وزبەكستان رەسپۋبليكاسى
شىرشىق قالاسىنداعى فيليالىنىڭ ديرەكتورى