*ەلىمىزدە اگروونەركاسىپ كەشەنىن قولداۋ ءىسى توقتامايدى. «قازاگرو» ۇلتتىق باسقارۋشى حولدينگى» اق باسقارماسى توراعاسىنىڭ ءمىندەتىن اتقارۋشى داۋرەن ماحاجانوۆتىڭ ايتۋىنشا, وتكەن جىلى سەكتور 222 ملرد. تەڭگەگە قارجىلاندىرىلعان. قۇرىلىمنىڭ ينۆەستيتسيالىق قورجىنىندا قازىرگى تاڭدا جالپى قۇنى 309 ملرد. تەڭگە بولاتىن 477 جوبا بار, ولاردىڭ ىشىندە 365 جوبا جۇمىس ىستەپ جاتىر.
*مەملەكەتتىك ورگانداردى قامتاماسىز ەتۋگە باعىتتالعان شىعىندار 9 پايىزعا تومەندەتىلدى. قارجى ءمينيسترى باقىت سۇلتانوۆ اتاپ وتكەندەي, ءىىم جەلىسى بويىنشا قامتاماسىز ەتۋگە ارنالعان شىعىندار – 40 ملرد. تەڭگەگە, قارجى مينيسترلىگى بويىنشا – 3,5 ملرد. تەڭگەگە, ءبىلىم جانە عىلىم مينيسترلىگى بويىنشا 2,3 ملرد. تەڭگەگە قىسقارادى.
*استانادا ستۋدەنتتەردەن قۇرالعان قۇقىق قورعاۋ وتريادتارىنىڭ قۇرامىنا 200 ادام قوسىلدى. ەسكە سالايىق, جاستار اراسىنداعى قۇقىق بۇزۋشىلىقتىڭ الدىن الۋ, قۇقىقتىق مادەنيەتتى كوتەرۋ ماقساتىندا قالالىق ىشكى ىستەر دەپارتامەنتى مەن جاستار ساياساتى باسقارماسىنىڭ باستاماسىمەن قولعا الىنعان «ستۋدەنتتەردىڭ قۇقىق قورعاۋ وتريادتارى» جوباسى اياسىندا بىلتىر 20-دان استام رەيد وتكىزىلىپ, 100-دەن ارتىق اكىمشىلىك قۇقىق بۇزۋشىلىق تىركەلدى.
*الماتى وبلىسىندا 2020 جىلعا دەيىن 245 جاڭا بالاباقشا اشىلادى. ايماق باسشىسى اماندىق باتالوۆتىڭ سوزىنە قاراعاندا, 133 بالاباقشا جەكە ينۆەستيتسيا تارتۋ ارقىلى سالىنباق. ايتا كەتەيىك, بۇگىندە وڭىردە 752 كۇندىزگى جالپى ءبىلىم بەرۋ مەكتەبى, 283 بالاباقشا, 67 كوللەدج بەن 3 جوو جۇمىس ىستەيدى.
*شىمكەنتتەگى ءىرى ساۋدا ورىندارى «قازاقستاندا جاسالعان» اكتسياسىنا قوسىلدى. وڭتۇستىك قازاقستان وبلىستىق اكىمدىگىنىڭ ءباسپاسوز قىزمەتى حابارلاعانداي, شاھارداعى «فيركان», «شاحان» ساۋدا ورتالىقتارىندا وتاندىق ءونىم ءوندىرۋشى كومپانيالار مەن كاسىپورىنداردى قولداۋ ماقساتىندا ۇيىمداستىرىلعان شاراعا تۇرعىندار ءبىراۋىزدان قولداۋ ءبىلدىرىپ, ەلىمىزدە وندىرىلگەن ازىق-ت ۇلىكتەر مەن تۇرمىستىق زاتتاردى ساتىپ الۋدا بەلسەندىلىك تانىتۋدا.
حابارلار ۇكىمەت, وبلىستىق اكىمدىكتەر سايتتارى, «قازاقپارات» اگەنتتىگى جانە «24kz» تەلەارناسى دەرەكتەرى بويىنشا دايىندالدى.