Azerbaijan Airlines اۋە كومپانياسى ۇشۋ كەزىندە سىرتقى اككۋمۋلياتورلاردى (power bank) پايدالانۋعا تولىق تىيىم سالىناتىنىن حابارلادى, دەپ جازادى Egemen.kz.
كومپانيا رەسمي Telegram-ارناسىندا جاڭا تالاپتاردىڭ 20 قاراشادان باستاپ كۇشىنە ەنەتىنىن جاريالادى. وزگەرىستەر ليتي-يوندى باتارەيالارعا قاتىستى قاۋىپتىڭ الدىن الۋعا جانە جولاۋشىلاردىڭ قاۋىپسىزدىگىن ارتتىرۋعا باعىتتالعان.
Power bank – سمارتفون, پلانشەت, نوۋتبۋك جانە باسقا دا ەلەكتروندى قۇرىلعىلاردى قۋاتتايتىن ءپورتاتيۆتى اككۋمۋلياتور.
نەگىزگى جاڭا تالاپتار:
بورتتا سىرتقى اككۋمۋلياتورلاردى قولدانۋعا تولىق تىيىم سالىنادى; Power bank-ءتى ۇشاقتىڭ ىشكى ەلەكتر جۇيەسىنە قوسۋعا بولمايدى; قۇرىلعىلاردى ۇستىڭگى سورەلەرگە قويۋعا رۇقسات جوق, ولار جولاۋشىدا - ەكيپاج جىلدام قول جەتكىزە الاتىنداي جەردە بولۋى كەرەك; قۋاتتىلىعى 100 ۆاتت-ساعاتقا دەيىنگى ءبىر عانا زاۋىتتىق power bank-ءتى قول جۇگىندە الىپ جۇرۋگە رۇقسات; قۋاتى 100-160 ۆاتت-ساعات ارالىعىنداعى قۇرىلعىلاردى تەك كومپانيانىڭ الدىن الا كەلىسىمىمەن الىپ جۇرۋگە بولادى.Azerbaijan Airlines وسىلايشا سىرتقى اككۋمۋلياتورلاردى تاسىمالداۋ ەرەجەلەرىن قاتايتقان تاعى ءبىر تاسىمالداۋشى بولدى. بۇعان دەيىن بىرقاتار ءىرى اۋە كومپانيالارى وسىنداي شەكتەۋلەر ەنگىزگەن.
بۇعان دەيىن Emirates 1 قازاننان باستاپ power bank-ءتى قولدانۋعا تولىق تىيىم سالدى. قول جۇگىندە بىرەۋىن الىپ جۇرۋگە بولادى, بىراق ۇشۋ كەزىندە پايدالانۋعا بولمايدى.
Air Astana مەن FlyArystan دا ەرەجەلەرىن جاڭارتتى: بارلىق قوسىمشا ليتي باتارەيالار — سونىڭ ىشىندە power bank تەك قول جۇگىندە تاسىمالدانادى. تىركەلگەن باگاجدا الىپ جۇرۋگە تىيىم سالىنعان.