باعالانعاننىڭ باعى بيىك
بيزنەستىڭ الەۋمەتتىك جاۋاپكەرشىلىگى جونىندەگى «پارىز-2015» كونكۋرسى
«بيزنەستىڭ الەۋمەتتىك جاۋاپكەرشىلىگى ءجونىندەگى «پارىز» كونكۋرسى تۋرالى» قازاقستان رەسپۋبليكاسى پرەزيدەنتىنىڭ 2008 جىلعى 23 قاڭتارداعى №523 جارلىعىنا سايكەس بيزنەستىڭ الەۋمەتتىك جاۋاپكەرشىلىگى جونىندەگى «پارىز» كونكۋرسىن 2015 جىلى وتكىزۋ باستالعانىن حابارلايمىز.
كونكۋرس قازاقستان رەسپۋبليكاسىنىڭ بۇكىل اۋماعىندا جۇرگىزىلەدى جانە وعان جەكە كاسىپكەرلىك سۋبەكتىلەر (بۇدان ءارى – ۇمىتكەرلەر) قاتىسا الادى.
كونكۋرس لاۋرەاتتارىنىڭ اتاقتارى ەكى سانات بويىنشا:
1. شاعىن جانە ورتا كاسىپكەرلىك سۋبەكتىسى;
2. ءىرى كاسىپكەرلىك سۋبەكتىسى;
جانە مىناداي نوميناتسيالار بويىنشا بەرىلەدى:
1.«ۇزدىك الەۋمەتتىك جاۋاپتى كاسىپورىن». بۇل نوميناتسيادا ءوز پەرسونالىن قولداۋعا باعىتتالعان الەۋمەتتىك باعدارلامالاردى ىسكە اسىراتىن ۇمىتكەرلەردىڭ قىزمەتى قارالادى (ەڭبەكاقىنى جانە الەۋمەتتىك تولەمدەردى ۇيىمداستىرۋ, ەڭبەكتى قورعاۋدى ۇيىمداستىرۋ, كادرلاردى كاسىبي دايارلاۋ جانە قايتا دايارلاۋ جۇيەسىن ۇيىمداستىرۋ جانە ت.ب.).
2. «ەڭبەكتى قورعاۋ سالاسىنداعى ۇزدىك كاسىپورىن». بۇل نوميناتسيادا ۇمىتكەرلەردىڭ ەڭبەك جاعدايلارىن قۇرۋدا جۇمىسكەرلەردىڭ ەڭبەك ەتۋ بارىسىندا دەنساۋلىعىن ساقتاۋ ارەكەتى قارالادى.
3.«ۇزدىك ۇجىمدىق شارت». بۇل نوميناتسيادا قازاقستان رەسپۋبليكاسىنىڭ زاڭناماسىندا كوزدەلگەن قىزمەتكەرلەردىڭ ەڭبەك جانە الەۋمەتتىك قۇقىقتارىن ەداۋىر جاقسارتاتىن جانە نىعايتاتىن ۇجىمدىق شارتتار قارالادى.
4.«ەكولوگياعا قوسقان ۇلەسى ءۇشىن». بۇل نوميناتسيادا قورشاعان ورتانىڭ جاعدايىن جاقسارتۋعا باعىتتالعان تابيعاتتى قورعاۋ (ەكولوگيالىق) باعدارلامالارىن ىسكە اسىرۋدا ەرەكشە كوزگە تۇسكەن ۇمىتكەرلەردىڭ قىزمەتى قارالادى.
بيزنەستىڭ الەۋمەتتىك جاۋاپكەرشىلىگى شەڭبەرىندە «پارىز» كونكۋرسىنا بەلسەندى تۇردە قاتىسۋعا شاقىرامىز.
كونكۋرس جونىندە تولىق اقپاراتتى 57-87-66, 57-89-08, 57-89-12 (استانا قالاسىنىڭ جۇمىسپەن قامتۋ جانە الەۋمەتتىك باعدارلامالار باسقارماسى), 55-54-80 (استانا قالاسىنىڭ ەڭبەك ينسپەكتسياسى جونىندەگى باسقارماسى) جانە 22-65-95 (استانا قالاسىنىڭ ەكولوگيا دەپارتامەنتى) تەلەفوندارى ارقىلى الۋعا بولادى.