مەملەكەت باسشىسى قاسىم-جومارت توقاەۆ حالىقارالىق ارەناداعى وزگەرىستەر كەزەڭىندە ورتالىق ازيا ەلدەرىنىڭ ەۋرازياداعى نەگىزگى ترانزيتتىك توراپقا اينالۋعا بىرەگەي مۇمكىندىگى بارىن اتاپ ءوتتى, دەپ جازادى Egemen.kz.
بۇل ورايدا مەملەكەت باسشىسى تەك كەلىسىمدى ءارى ۇيلەسىمدى ارەكەت ەتكەندە عانا ايماقتىڭ الەۋەتى تولىق اشىلاتىنىنا سەنىمدى.
– ءبىر-ءبىرىن قايتالايتىن تەكسەرىستەردەن, شەكارادان ءوتۋ كەزىندەگى شەكتەن تىس بيۋروكراتيالىق راسىمدەردەن ارىلۋ ءۇشىن جۇكتى تاسىمالداۋدىڭ بىرىڭعاي ەلەكتروندىق جۇيەسىن ەنگىزۋ ماسەلەسىن قاراستىرعان ءجون. ايماقتىڭ الەۋەتىن ودان ءارى نىعايتۋ ءۇشىن ورتالىق ازيانىڭ كولىك جۇيەسىن دامىتۋدىڭ كەشەندى ستراتەگياسىن بىرلەسىپ ازىرلەۋدى ۇسىنامىز. شەكارا ماڭىندا قالىپتاسىپ كەلە جاتقان ونەركاسىپ حابى كەڭ مۇمكىندىككە جول اشادى. ونى دامىتۋ اياسىندا جوعارى تەحنولوگيالىق جوبالاردى ىسكە قوسۋعا باسا نازار اۋدارعان ءجون, – دەدى پرەزيدەنت.
تاشكەنت